اكبر مجموعة اكلات صيامى بالصور

[sama smsma]

طريقة جديدة لتحضير الفول المدمس






المقادير
فول مدمس جاهز
200 جرام لحمة مقطعة ” مكعبات “
بصل “مفروم”
ثوم “مفروم”
ملح وفلفل أسود
زيت زيتون

طريقة التحضير :
احضرى مقلاة عميقة وضعيها على النار الى ان تسخن ،
ضيفى اليها زيت الزيتون ثم شوحى فيها البصلة المفرومة قلبى دقيقتين ثم ضيفى
الثوم المفروم قلبى تقليبتين وضعى اللحمة المقطعه مكعبات
اتركيها على النار حتى تنضج مع اضافة الماء عند الحاجة ،
قومى بوضع الفول المدمس الساخن فى طبق التقديم ،
ثم ضعى مكعبات اللحم فوق الفول المدمس,,,

[sama smsma]

تحضير أسياخ الجمبرى بالفرن







المقادير:
كيلو جمبري متوسّط الحجم مغسول
ملعقة كبيرة صغيرة زنجبيل طازج مفروم
ملعقة صغيرة كزبرة مطحونة
ملعقة صغيرة قرفة مطحونة
ملعقة صغيرة شطة حمراء
ملعقة كبيرة زيت زيتون
3 فصوص ثوم مفرومين
¼ كوب عصير ليمون
ملعقة صغيرة كمون
½ كوب زبادي
ملح وفلفل أسود

طريقة التحضير:
1- ضيفي كل المقادير الموجودة عندك على الجمبري، وقلّبيهم مع بعض كويس، وسيبي الجمبري في الخلطة دي لمدة نصف ساعة علشان الجمبري يتشرّب من الخليط اللي فيه كويس.
2- هاتي أسياخ خشبية ودخّلي الجمبري فيها، وبعد كده رصّيه في صينية ودخّليه الفرن لمدة ساعة أو لغاية ما لونه يبقي دهبي.
3- خرّجي الجمبري من الفرن ورصّيه في أطباق التقديم،
وقدّمي معاه طبق أزر أبيض أو طحينة وسلطات..

[sama smsma]

هامبورجر البطاطا بالبسلة والرز










المقادير
- كوب رز أبيض.
- حبة بطاطا متوسطة الحجم مغسولة ومتقشرة ومتقطعة شرائح.
- كوب ونصف بسلة مسلوقة.
- رغيف خبز مقطع قطعاً صغيرة.
- معلقتين كمون.
- فص ثوم مفروم.
- معلقتين بقدونس مفروم.
- ملح وفلفل أسود مطحون.
- معلقتين زيت زيتون.
- صلصة حراقة أو "Hot sauce" "للتقديم".



الطريقة
1- اسلقي الرز عن طريق إنك تحطيه في ميه مغليّة فيها ملح لمدة 15 دقيقة أو لحد ما يبقى طري، وبعد كده صفيه من الميه كويس.

2- في الوقت اللي الأرز بيتسلق فيه، اسلقي البطاطا في حلة فيها ميه مغلية وملح "لمدة 15 دقيقة أو لحد ما تطرى"، وبعد كده صفيها من الميه كويس.

3- أحضري طبقاً كبيراً وحطي فيه البطاطا واهرسيها بالشوكة لغاية ما تبقى عجينة، ضيفي إليها الأرز والبسلة وقطع الخبز والكمون والثوم والبقدونس والملح والفلفل وقلبيهم مع بعض كويس.

4- ابدئي في تشكيل الخليط السابق على شكل أقراص تُشبه أقراص الهامبورجر.

5- سخني الزيت على النار كويس واقلي فيه أقراص الهامبورجر لمدة عشر دقائق، مع مراعاة التقليب من حين لآخر عشان يِحمر.

6- طلعيه من الزيت وحطيه في طبق التقديم وحطي معاه الصلصة الحارة، ممكن مع الطبق ده تعملي بطاطس محمرة.

[sama smsma]

مكرونة بالباذنجان الرومي والكوسة



المقادير
- نص كيلو مكرونة مسلوقة.
- نص كيلو باذنجان رومي.
- 3 حبات كوسة.
- كوب كبير عصير طماطم.
- 5 فصوص ثوم مفرومين.
- كوب زيت زيتون أو ذرة.
- معلقة كبيرة زعتر.
- ملح و فلفل.
- شرائح زيتون أسود أو أخضر مخلل "للتزيين".



الطريقة
1- أحضري الكوسة والباذنجان وقطعيهم شرائح متوسطة السمك.

2- بلي الكوسة والباذنجان بخليط مكوّن من: "معلقة صغيرة ثوم مفروم + معلقة صغيرة زعتر + معلقتين زيت الزيتون" وقلبيهم كلهم مع بعض كويس وسيبيهم لمدة ساعة.

3- بعد مرور الساعة شغلي الشواية على درجة حرارة متوسطة، وابدئي في شواء الباذنجان والكوسا.

4- سخني الزيت المتبقي على النار وضيفي إليه الكمية المتبقية من الثوم المفروم، وقلبيه على النار لمدة خمس دقائق أو لغاية ما تلاقيه لونه بقى ذهبي، ضيفي إليه عصير الطماطم والملح والفلفل وسيبيهم على النار لمدة ربع ساعة.

5- بعد مرور ربع ساعة ضيفي إلى الخليط السابق الخضار المشوي والمكرونة المسلوقة وقلبيهم مع بعض وسيبيهم على النار لمدة خمس دقائق.

6- جهزي طبق التقديم وحطي فيه المكرونة والخضار المشوي وزيّني الطبق بشرائح الزيتون.




يتبع

[femon]

ميرسي للمشاركه الرائعه
الرب يعوض تعب محبتك

[sama smsma]

ميرسى ميرسى يا فيمون
ربنا يفرح قلبك ويبارك خدمتك دايما


يتبــــــع

[sama smsma]

كل سنة وانتم طيبين بصيام ام النور العذراء مريم
يارب يكون صيام حلو على الكل
ربنا يبارك حياتكم

يتبــــــع

[شيرى2]

اية دا كلو انتى جوعتينى
يا بوووووووووووى ههههههههههههههه
طيب بصى حضرى كام حاجة كدا خفيف خفيف وانا مستنياكى ههههههههههههه مش تتاخرى عليا ههه

مجهود راااااائع

[حمامة السلام]

ربنا يبارك فى خدمتك

الجميلة ويفرح قلبك دايما

[sama smsma]

المشاركة الأصلية كتبت بواسطة شيرى2

اية دا كلو انتى جوعتينى
يا بوووووووووووى ههههههههههههههه
طيب بصى حضرى كام حاجة كدا خفيف خفيف وانا مستنياكى ههههههههههههه مش تتاخرى عليا ههه

مجهود راااااائع

ههههههههههههههههههههههه
حضرتلك اللى انتى عايزاة يا كريستى
بس العصفورة اكلتهم بقة
هههههههههههههههههههه

يتبــــــع