أطرف سيناريوهات وضعتها الفتيات لطلب الزواج

[Mary Naeem]

أطرف سيناريوهات وضعتها الفتيات لطلب الزواج

تحلم كل فتاة بالطريقة المثلى والجريئة التي سيتبعها فارس أحلامها لطلب يدها بين الجموع الغفيرة المهنئة والمباركة؛ لتتويج قصة حب أسطورية، فماذا يحدث لو أتيحت لكل فتاة الفرصة في وضع السيناريو الخاص بتلك اللحظة المهمة في حياتها!

طرحت إحدى صفحات "فيس بوك" سؤالًا على الفتيات، وهو نفسك العريس اللي بتتمنيه يتقدم لك إزاي؟

"دبدوب وبوكيه ورد"
كتبت "سها": "ييجي جايب دبدوب كبير أوي وبوكيه ورد ويحط الدبلة في علبة قطيفة ويرن الجرس ويمشي، أفتح العلبة ما ألاقيش حاجة قبل ما أزعل ألاقيها في أيده ويقول لي زي الأفلام تتجوزيني".

أما "روهيدة" فتمنت قائلة: "أكيد عن حب، ويعمل لي مفاجأة ييجي ينط من ع السور وييجي قدام شباكي ويكتب لي في الجنينة marry me، مايجيبش ورد عندنا كتير يقطع منه، ويعمله قلب وفي النص خاتم".

تقاليد مصرية
كما علق "أحمد" قائلا: "أنا بقعد أفكر في الحوار ده كتير بس تقاليدنا كشرقيين أو مصريين بالأخص مافيهاش الكلام ده؛ نظرا لأن أيد البنت مع أبوها مش معاها أصلا".


وعلقت "سمية" ساخرة: "كلها أحلام ابقوا قابلوني لو حصل أي حاجة، آخرها فنجان شاي وحتتين جاتوه وتبقى عاملة زي الفرخة المبلولة"، كما أضاف أحمد: "يعني أيه إزاي نطلبها بالمكسرات مثلا".

طموحات وأماني
أما "ميرنا" فأحلامها بسيطة، فتقول: "يقول لي صباح الفل تتجوزيني"، وكتبت "إسراء": "ييجي لي عند الشغل تحت البلكونة مثلا يتفق مع صحباتي ويفضحني في الشارع، أي حاجة".

ووصفت "آية" أحلامها قائلة: "وأنا بعدي الطريق ألاقي كل العربيات وقفت فجأة، وتيجي عربية حمرا وعليها ورد كتير، وينزل منها ويجري عليا وينزل على ركبه معاه بوكيه ورد أحمر كبير ودبلة، يقولي تتجوزيني، يقوم أنا يغمى عليا من الفرحة، وأهي كلها طموحات وأماني".

وعلقت "أنين الحنين"، قائلة: "هما هييجوا يطلبونا وهندلع كمان على الطريقة، أنا راضية يابن الناس اللي يريحك بس أبوس أيدك تعالى بقى"، وعلقت "توتا" أيضا قائلة: "بأي طريقة المهم يتنيل ييجي وخلاص".

صدفة مقصودة
أما "آية" فكتبت "يجمع أهلي وصحابوا وأهلوا وأصحابي في سنتر مثلا عشان واسع وأنا مثلا صحابي وأهلي يودونى هناك صدفة، فجأة ألاقي حد بينادي عليا بصوت عالي واقف بقى أشوف في أيه ألاقي شاشة كبيرة مكتوب عليها أي حاجة كاتبهالي، أو أغنية حلوة ليا، وبعدين هو يتكلم عني كلمتين حلوين قدام الناس، وييجي يوطي قدامي ويديني بوكيه ورد كبير وجواه دبلة ويأخدها ويلبسهالي ويبوس أيدي وراسي، ويقول لي بحبك يا بت وتوتة توتة خلصت الحدوتة".

كما أضافت "جيجي": "لو مش عارفاه ودور ورايا بعد ما شافني في الشارع، ييجي يحط بوكيه ورد قدام باب البيت، ويمشي وبعدها بكام يوم ييجي يخبط وأفتح له بالبيجامة".

[virgen mary]

مش مهم قووووى البدايه ازاى المهم بعدين ياااااااااابنات

[Mary Naeem]

شكرا على المرور

[Rena Jesus]

افكار حلوه بس اللى ينفذ ههههههههه
ربنا يفرح قلبك يا مرموره

[Mary Naeem]

شكرا على المرور