نشطاء يوجهون نصائحهم للمشير عبر "قول كلمة للسيسي"..

[Mary Naeem]

نشطاء يوجهون نصائحهم للمشير عبر "قول كلمة للسيسي"






مارو: ابعد عن مصطفى بكري وشلة المنتفعين.. أمل: "انجز بقى انت متعرفش إنك نور عنينا ولّا إيه؟".. قصاص: منتظرينك يا ريس

وجه نشطاء تويتر كلمة لـ"السيسي" بعضها ظهر في شكل نصائح له قبل ترشحه في انتخابات الرئاسة القادمة، من خلال هاشتاج "قول كلمة للسيسي"، النشطاء أكدوا ضرورة ترشح المشير عبد الفتاح السيسي في الانتخابات الرئاسية، مع ضرورة الابتعاد عما وصفوه بشلة المنتفعين والمطبلاتية، مؤكدين أن حب الناس له يصنع المعجزات وعليه أن يستغل هذا الحب في نفع البلد.


باتساتا: "أول واحد هيقدم فيك بلاغ لما فترتك الرئاسية تخلص مصطفى بكري #قول كلمه للسيسي".


Silencestate: "#قول كلمة للسيسي تسلم يلى شايلها ويلى حلفت ترد جميلها وقلت المايلة لازم تعدلها بعلو الصوت."


عمر مروان: "#قول كلمة للسيسي انت نور عنينا هنشتغل عشان بلدنا وعشان انت ريسنا."


ماري مارو: "#قول كلمة للسيسي ابعد عن مصطفى بكرى وشلة المنتفعين واستغل حب الناس ليك ده ممكن يعمل معجزات للبلد".

عائشة مبارز: "#قول كلمة للسيسي ابعد عنك المطبلاتية واهتم بالعدالة الاجتماعية واحبس الحرامية هاتبقى مية مية".


مروان قصاص: "#قول كلمة للسيسي منتظرينك يا رئيس العالم يحترمك".


علا فريد: "الشعب بيحبك وبيثق فيك وهينتخبك عشان انت آخر قشة بيتعلق فيها أرجوك خليك قد الثقة دي #قول كلمه للسيسي".


د. أشرف عزت: "#قول كلمة للسيسي انت مش محتاج دعاية وهما كلمتين هتقولهم في البرنامج الانتخابى ملف الأمن وكل المشاكل هتنحل مع رجوع الأمن بس خلاص".


أسامة عوض: "هنتخبك وعارف إنك لا تملك عصا موسى لحل مشاكل مصر في لحظة بس عارف إنك وطنى وهتعمل اللى في إيدك عشان مصر والمصريين #قول كلمة للسيسي".


نادية: "#قول كلمة للسيسي ما شاء الله عليك متخصص في إعطاء الكفوف مرة مرسي والمحظورة مرة أوباما واليوم حماس تسلم الأيادي يابن مصر".


Mary jesus: "عاوزينه يرشح نفسه #قول كلمة للسيسي".


أبو العينين: "#قول كلمة للسيسي {منَ ٱلْمُؤْمِنِينَ رِجَالٌ صَدَقُواْ مَا عَاهَدُواْ ٱللَّهَ عَلَيْهِ...} ربنا يحميك ويوفقك... وكلنا معاك... سنعمل من أجل مصــر تحت قيادتك".


أمل مصطفى: "#قول كلمة للسيسي انجز بقى انت متعرفش إنك نور عنينا ولاّ إيه؟"


سمسومة: "#قول كلمة للسيسي ابقي سلملي على الثعلب المخابراتي #بوتين".


Sisinaznaggar: "ترشحك للرئاسة تضحية ثانية تقدمها لمصر في وقت تتربص بها المؤامرات وتملؤها المشاكل تعظيم سلام سيادة المشير #قول كلمة للسيسي".


نانا سعيد: "#قول كلمة للسيسي سننتصر بإذن الله وده وعد الله إننا في رباط إلى يوم الدين مكتوب في الإنجيل والقرآن".


مجدي فهمي: "#قول كلمة للسيسي أنت هتدخل أصعب اختبار في حياتك لأن البلد خربانة و#الشعب المصرى مستعجل يشوف إنجازاتك بسرعـــــة جــــــــدا!!"




المصدر :