افتح ღ قلبك ღ شاركنا امنيتك فى العام الجديد

[روشا الفرفوشه]

اتمنى ان ربنا يرجع السلام والامان لارض مصر
ان حالها يتعدل لكل البشر
ان ربنا يسترها معايا
ان مخسرش ناس انا بحبهم قوى
كل سنه وانتو طييبين

[كاتى]

اول حاجه اتمنها
انى مصر حالها يتعدل كفايه لحد كده
وكمان نفسى ربنا يقربنا ليه اكتر من كده
واكتر حاجه نفسى فيها
الناس تحب بعضيها اكتر من كده نفسى الناس تحب الخير لبعضيها
كفايه انانيه بجد

[سامي سامر]

الاخوة الاحباء
كل سنة وانتم طيبين
امنيتي في العام الجديد هي ان يبارك الله كل من يعمل الخير لوطنه واسرته وكنيسته وان يؤدي كل واحد عمله بامانه
وان يعرف الجميع طريق الحق دائما

[Rena Jesus]

كل سنه وانتوا طيبين وفرحانين ويارب يحقق لكل واحد منكم امنياته كلهااااااااا
اللى نفسى فيه بجد ان تكون 2014 دى سنه التعويضات لينا كلنا
يعنى لو حد مريض ربنا يشفيه ولو حزين يعزيه ويديله اللى يفرح قلبه
وكل اللى ليه طلب او امنيه تحقق فى 2014
وان مصر تقف على رجليها من تانى ويبعد عنها ربنا كل شر وألم ويرجع الخير والسلام


يااااااااااااااااااااارب عوضنا عن رماد السنين اللى فاتت بجمال 2014 اجعلها سنه التعويضات
آمييييييين

[بنتك يايسوع]

كل سنه وانتم طيبيين ويارب سنه سعيده على الجميع
كل اللى بتمناه السنادى وكل سنه لحد نهايه عمرى
ان كل الناس تبقي قريبه من ربنا وخصوصا اللى بالى ومن ضمنهم انا
وان ربنا يلمسنا لمسه قويه ويجذبنا ليه ويكون مع كل اولاده
ونفرح قلب ربنا وهو يفرح قلبنا بوجوده فيه
ونعيش فى امان و سلام وحال البلد يتعدل

[nasser]

كل سنة وانت طيب يا أستاذ رامز
وجميع أعضاء المنتدى
يارب تكون سنة سعيدة على الجميع
أتمنى فى العام الجديد ان ربنا يحفظ مصر
وتنتصر فى حربها على قوى الظلام وأعداء الحياة
واحفظ يارب جيشنا العظيم
وبالنسبة لى أتمنى يارب انك تعطينى الحكمة فى جميع قراراتى
فى السنة الجديدة والسنوات القادمة

[Mary Naeem]

امنيتي اننا نخلص من الارهاب والاخوان
وان ربنا يحافظ على اولادي واسرتي

[بيدو توما]

الرحمة في العالم لا الذبيحة... الخلاص للبشر لا الهلاك
كذلك أضم صوتي للسلام العام لمصر وسوريا والعراق
أمنياتي خلاص الناس وليس لي شيء آخر سوى
أتمم خلاصي ومن حولي هنا وهناك أيظاً... بمعونه الرب ،
الآن أنذار المجيء الثاني قريب جداً
ولنكن جاهزين ومستعدين دائماً للرحيل
مع الرب يسوع المسيح في يوم الاختطاف المنتظر والقريب جداً.
يارب أجعلنا كلنا مستعدين ، لمجيئك الثاني ...دائماً
وكذلك بصلاة نطلب لتطور موقعنا الفرح المسيح الى الأحسن للسنه الجديدة لأنه يستحق الأكثر
شكراً جزيلاً أخي العزيز رامز للمبادرة والفكرة الجميلة جداً
تحياتي لكِ والرب معك يباركك دائماً ويبارك حياتك وأعمالك وخدمتك
الرائعة والمباركة والرب يعوض تعب محبتك في خدمة أبونا السماوي لمجده العظيم.
ربنا يفرح قلبك بتحقيق أمنياتك الشخصية والوطنية لخير الجميع والخلاص
ونستهل هذه الفرصة ببركات ذكرى يوم الميلاد العظيم لربنا يسوع المسيح
وللسنه الجديدة ويفيض عليكِ وعلى الجميع بنعمه الغنية وسلامه العظيم ومحبته الدائمة والأزلية...
والمجد لربنا القدوس يسوع المسيح
دائماً..وأبداً..آمين

[ميرو]

اتمني اني اكون مع يسوع كل ثانيه في السنه الجديده ومابعدش لحظه

[Haia]

كل سنة وانتم جميعا طيبون
+++++++++++
تمنياتى أن يحفظنا الرب جميعاّ من الشرير.
ويرتفع أسم السيد المسيح على جميع أعداء الخير .
ويساعدنا جميعاّ أن نعبر رحلتنا فى هذه الحياة بسلام .