شكرآ يا ابويا

[بنت معلم الاجيال]

شكرآ يا ابويا




منقول
سلام المسيح معاكم,
انا انهاردة هاكتب عن معجزة لللبابا كيرلس وبامانة ديه حصلت معايا شخصيا وهى:
انا كنت فى سنه تالتة ثانوية عامة كملت علمى علوم رغم انى مكنتش حاباه بس كملت غصب عنى المهم مكنتش باطيق مادة اسمها فيزياء لانى كنت متعقدة منها من سنة اولى ثانوى من مدرستى,
كنت كل حصة فيزياء افضل حاضرة الدرس كله واخرج ولا حاجة لانى فعلا مش كنت باقدر افهمها ليه معرفش
وبعدها اقعد اعيط طول اليوم واصدع ومعرفش اذاكر حاجة بعدها , وكانت الفيزيا حصتين فى الاسبوع يعنى كل اسبوع فى يومين ضايعين منى عياط وبس
المهم دخلت الامتحان وانا لا افقه شئ فى الفيزياء مع العلم انى كنت باذاكرها اكتر مادة غصب عنى ومفيش اى نتيجة حتى كان فيها مسائل كتير ولا مرة حليت مسالة واحدة صح
مسكت ورقة الاسئلة وقريتها كل الاسئلة شوفتها قبل كده للامانة لكنى مش عارفة احل ولا سؤال واحد
سكت لمدة 10 دقايق بدون ما اكتب اى كلمة بعدها طلعت صورة البابا كيرلس كانت فى الالة الحاسبة وقلتله بص انا عارفة كل الاسئلة ديه وشوفتها قبل كده وحلتها لكن الاجابة بتاعها عمرها ما ركزت فى دماغى حل انت الامتحان ده!!
بدات احل, لكل سؤال بقيت اكتب اجابتين يعنى حل اخر وكل حل مختلف عن التانى !!!
قلت انا كده شلت المادة ومستقبلى ضاع
وخرجت من اللجنة منهارة , وجه وقت النتيجة تخيلوا
تخيلوا
جبت 48,5 من 50 فى المادة ديه ازاااى؟؟؟؟؟ بمعجزة عايزة اقولكم حتى كان فى اسئلة اختار من بين الاقواس للامانة كنت باختار اجابتين يعنى المفروض السؤال يتلغى اصلا وتروح درجته

وكان كل مسالة حلاها بطريقتين وكل طريقة بنتيجة غيرالطريقة التانية
اشكرك يارب , واشكرك يا بابا كيرلس
وجبت فى السنة ديه كلها 97.50 %
يا قديس صلواتك تكون معانا امين