انت لـــــيـــه مكنتـــــــش كـــــده؟؟؟

[كاتى]

ياريت كل واحد يدخل يقولنا ايه سر تغيروه
انت ليه مكنتش كده






ممكن يكون شخص اللى غيرك او مواقف بتحصل قدامك او معاك شخصيا
تخليك تقعد وتقول انت ليه مكنتش كده
ممكن للاحسن وممكن للاوحش

[بنت معلم الاجيال]

اكيد كل انسان بيتعرض لصدمات او تجارب او ضغوط ممكن تقلب حياتة راس علي عقب
و رغم اني دكتورة امراض نفسية انا من يوم وفاة تيتا و انا مقلوبة ومش طبيعية و رغم انها عدت ال4شهور انا مازلت لحد اليوم ابكي رحيلها كانها توفيت امس ودة الموقف او التجربة اللي قلبت حياتي و خلتني اقول انا مكنتش كدة و دة امر الله بس كتير بيكون غصبن عني لان شعور وفاة الام احساس صعب اوي ربنا ما يكتبة علي احد ابداااااااااااااااااااااا

[Rena Jesus]

علشان كل يوم بنقابل ناس بتغير فينا وتجرحنا
علشان كل يوم بتحصل معانا مواقف بتموت فينا حاجات كتيييير
علشان بنوصل لمرحله احنا مش عايزين نتكلم مع حد تانى غير مع ناس معينه
علشان شايفين ان الدنيا ما بقيتش زى زمان والناس مش كلهم كويسين معانا
علشان بنلاقى اقرب ما لينا هو اللى بيكون سبب فى وجعنا

دى وجهه نظر شخصيه مش حاجه عامه يعنى وممكن اللى بيغيرنا تكون حاجات من جوانا احنا

[ماريا تى ثيؤتوكوس]

توبيك جميل اوى يا قمر
انا كنت طيبه قوى (هبله )
واتكلم بعفويه جدا مع الناس
وبعدين لقيت الناس مش زى بعض
واللى يتلكك واللى يلوع الكلام
فتعلمت لازم كل كلمه تكون بحساب
ومرغيش كتير مع حد
بقيت حريصه جدا جدا فى كل معاملاتى
وده يمكن يكون للأحسن انا شايفه انه احسن بكتير
لأنه بعدنى عن مشاكل اكتر

[Mary Naeem]

أكيد الواحد مكنش كدا
كان مش شايل هم حاجة فى الدنيا
دوقتي شايل هم الدنيا كلها
المسئولية كبيرة على الواحد
+ احلام كتير نفسه انها تتحقق
= حياه صعبة جدا

شكرا يا قمر
ربنا يباركك

[بنتك انا]

علشان لازم نتغير
محدش بيفضل بحاله

[بيدو توما]

أكتب وبعد أن عرفني الرب يسوع المسيح

شكراً جزيلاً أختي العزيزة كاتى... وبعد
أشكر الرب كل شيء للأحسن والأروع والأبدع
اليوم بقوة الرب يسوع ناس كثيرة تشفى من أمراض مزمنة
وكسور مختلفة وعلل عجز الطب عن علاجهم
وناس كثيرة المسلمون وغيرهم يقبلون الرب يسوع المسيح مخلص لحياتهم وأهل بيتهم...واليوم
أولاد الرب المملوئين بالروح القدس وثمارها يمجدون الرب في سماء الدنمارك
في لمساتهم الشافية والبشارة ونشر ورفع إسم إلهنا عالياً المستحق كل المجد في الطرقات
والتجمعات ليعرف الكل والمسكونه كلها
"وَلَيْسَ بِأَحَدٍ غَيْرِهِ الْخَلاَصُ. لأَنْ لَيْسَ اسْمٌ آخَرُ تَحْتَ السَّمَاءِ،
قَدْ أُعْطِيَ بَيْنَ النَّاسِ، بِهِ يَنْبَغِي أَنْ نَخْلُصَ."
(أعمال الرسل 4 : 12).
فقط في الرب يسوع المسيح له المجد

وزمان ليه مكنتش كده ؟؟
لأني مكنتش عارف مين هو الرب يسوع المسيح

[femon]

توجد مواقف صعبه تغير الانسان عن طيبته وعفويته التي يحيا بها لكي يساير المواقف الجديده...
وتوجد ايضاً مواقف مفرحه تغير الانسان للاحسن وتفتح قلبه وذهنه للحب وللحياه وللسعاده ..
فكل موقف وله تأثيرة علي حياة الشخص

[بنت يسوع المسيح]

اتغيرنا لاننا لازم نتغير من اللى بنشوفة حولينا
تعاملى الناس بطيبة بيقولوا عليكى هبلة وساذجة
تحبيهم وتحكى معاهم يملوا منك ويعاملوكى معاملة مش حلوة ويتهربوا منك
طيب ولية مفيش حد يستاهل وخلينى فى حالى افضل
واعاملهم زى ماهما بيعاملونى ..ا + ا = 2 من اكتر
علشان كدة اتغيرنا لاننا مااتوقعناش منهم كدة
وحاجات كتير لو فضلنا نحكى عاوزة صفحات

ميرسى كاتى للطرح الرائع ربنا يباركك

[Ramez5]

ممكن يكون الطرف الأخر هو اللى أتغير
ويعتقد الأخر أن البعض هم الذين تغيروا
ليس معنى أن فلان أخذ موقف يبقى أتغير
الإنسان صاحب المبدأ لا يتغير ابداً
ولكنه يأخذ مواقف فى الأوقات المناسبة ...
ويفضل على مبدأه ثابت دون تغيير ....
علشان كدة دايماً يقال أن فلان عندة مبدأ لا يتغير
المبدأ ليس كلمه عابره او جمله صارخه
واعظم الأشخاص هم اصحاب مبادىء
والمبدأ جزء من تركيبة الانسان وطبيعة شخصيته
وبدونها يصبح الشخص كالورقة تتقاذفها الريح