كيف استفيد من القداس؟؟

[Mary Naeem]

كيف استفيد من القداس؟؟

.......................................
هناك 5 خطوات حتي استفاد من القداس:
...
1-) ماذا افعل وانا في البيت
انت بتعد نفسك اللي انت جاي السماء (الكنيسه) واللي رايح السما لازم يروح بنقاوه وبر -نقاوه من الداخل ومن الخارج (استعد بقلبي من الداخل وذلك بالصلاه ومن الخارج بالنظافة الجسديه)-وهذا هو الاستعداد الجسدي والاستعداد الروحي
فالكنيسه بتهيئ الانسان من اليوم اللي قبل القداس فبتعمل العشيه علشان تهيئ النفس والقلب لحضور الملك العريس كأن القداس ده يوم العرس (الفرح) وان العشيه يوم الحنه فالكنسيه تحب تسبح للملك المسيح ولابد وانت رايح تقابل الملك العريس تكون تائبا ومعترفا
وفيه حاجات لازم قبل ماتنام تكون محضرهم 1-الخولاجي 2- الاجبيه 3- الاشارب (للبنات)
2-) ماذا افعل في الطريق الي الكنيسه
وانا في الطريق صلي المزامير وهناك 3 مزامير ممكن تصليهم وهم
1-فرحت بالقائلين لي الي بيت الرب نذهب (من مزامير صلاه الغروب)
2- يارب من يسكن في مسكن قدسك (من مزامير صلاة باكر)
3- مساكنك محبوبه يارب الجنود ( من مزامير صلاة السادسه )
واحنا بنصلي المزامير علشان احفظ عقلي وفكري وانا ذاهب لمقابلة ربنا في القداس ونقول له انا مشتاق جدا ليك
3-) ماذا افعل عند وصولي للكنيسه
وانا علي باب الكنيسه اقبل الباب الخارجي علشان رب المجد قال انا هو الباب فنحن نشعر ان باب الكنيسه هو المسيح
وبعد كده ادخل الكنسيه في هدوء ووقار وندخل نسجد قدام الهيكل ونقول (اما انا فبكثرة رحمتك ادخل بيتك واسجد قدام هيكلك المقدس )
وبعد ما اسجد اقبل ستر الهيكل وذلك لانه بيشير لثوب المسيح وكاننا بنتشبه بالست نازفة الدم اللي قالت لو مسست هدب ثوبه ساشفي
وبعد كده ادخل اقف في مكاني بهدوء واصلي (ابانا الذي ---)ويجب ان اختار المكان اللي يساعدني علي الصلاه وابتعد عن صحابي لانهم هيتكلموا وهذا هيشغل العقل عن الصلاه
4-) اثناء الصلوات
لابد ان يكون فيه مشاركه فالقداس عباره عن حوار (يقول الكاهن - يقول الشماس - يقول الشعب)
ولابد من ان يشترك ثلاثه حاجات في القداس
1-العقل
2-القلب
3-الجسد
العقل-------------------------------------يكون مركز
القلب -------------------------------------مرفوع لربنا
الجسد -----------------------------------لازم يكون نشيط اثناء العباده لان لو الجسد تراخي فالروح سوف تتراخي وبولس الرسول بيقول (اصلي بالروح واصلي بالذهن ايضا)
لازم نقف بخشوع وانسحاق وتذلل كل كلمه تقول فيها يارب ارحم تكون طالعه من القلب
5-) عند التناول
ادخل الهيكل بهدوء واصلي
1- صلاه قبل التناول وان كان فيه زحمه نصلي
2-مزمور ارحمني يالله كعظيم رحمتك
3 - دايما نقول اني غير مستحق حتي اتناول
وبعد التناول نقول امين جسد ودم حقيقي ونصلي صلاه بعد التاول
ونخرج اقف في مكاني ولااخرج من الكنيسه حتي يصرف ابونا الشعب ويرش المياه ورش المياه اشاره لصعود المسيح وكاننا بناخذ بركة الصعود واحنا خارجين من الكنيسه

أحد مبارك على الجميع..

[شيري]

[Mary Naeem]

شكرا على المرور