|
 |
 |
 |
|
رقم المشاركة : ( 1 )
26 - 09 - 2013, 05:32 PM
|
|||||||||||
|
|||||||||||
|
" أم الدنيا على أم الحنطور "
تحذيرهام : هذا المقال للأذكياء فقط فلو كنت مش من هؤلاء الأذكياء فبدل ماتقراه وتلاقي نفسك مش فاهم حاجة فتضطر تشتم المؤلف في نهاية المقال .. ماتجيبش لنفسك إحباط وماتجيبلناش طولة اللسان وفضها سيرة وبلاش تقراه وخلاص . _________________________ كتب : رمزي بشارة ( فيلم مش عايز يخلص ) أو ( رأي شـــــخـــــصـــــي ) " مبدئياً دول عنوانين ممكن تختار إللي إنت عايزه منهم لو ماعجبكشي الإسم إللي أنا إخترته " نهار إسود / داخلي - حنطور قديم يهتز بينما يظل واقفاً في مكانه محلك سِر ممثل شركة "ساسا ديني برضو " في لجنة التسعين لتعديل الحنطور يُجري حواراً تليفزيونياً مع قناة المياه "الحمرا " - لو سألتني سؤال وقلت لي إنت عايز مين يسوق الحنطور .. " ينظر للمذيع إللي ماجابلوش سيرة أصلاً عن هذا السؤال " - عايز تسأل ؟ هه .. عايز تسأل ؟ آه ياخلبوص شكلك عايز تسأل مش كده ؟ المذيع : قول يامعلم سمعنا ياريس حنتيرة - في الواقع .. هتستغرب إذا قلتلك .. أتمنى من كل قلبيييييييييييييييي " ويدوس قوي على حرف اليه لحد ماالحرف يقول أي " أتمنى أن يعتلي أكبر وطني في أم الدنيا حمى ثورة أم الدنيا " وأنقذ أم الدنيا من الغرق بــــــكل أشكال الغرق " أريد أن يكون الفريق آبو دبورة هو رئيس أم الدنيا المذيع : والفريق ده يقدر يحقق الفوز ؟ - طبعاً ده حققه بالفعل ده فريق بالمنتخب كله . المذيع : بس ياأفندم في ناس بيقولوا إن شركة ساسا ديني دي لازم تغير من أسلوب حياتها وتخليها في الدين وبلاش سياسة ! - شركتنا غير باقي الشركات إحنا عندنا ولاد وأولادنا بيسألونا .. إللي عايز عروسة بيسألنا وإللي عايز يقدم في كلية بيستشيرنا بل أقولُ لك إللي عايز يدخل الحمام بياخد رأينا وإحنا بنقولهم رأينا وبنقول لهم في الآخر ده رأي شخصي , آه صحيح بمناسبة الآراء .. الرأي بتاعي ده رأي شخص .. وتحيا أم الدنيا قطع في منتصف الشاشة وعلى خلفية حمراء قوي تظهر هذه الكلمات : أم الدنيا على أم الحنطور على أم ... ألخ  
|
|
26 - 10 - 2013, 08:53 AM
|
رقم المشاركة : ( 2 ) | |||
|
..::| مشرفة |::..
|
رد: " أم الدنيا على أم الحنطور " للأذكياء فقط
ميرسي يا ابرام مشاركة جميلة ربنا يبارك خدمتك
|
|||
|
|
|
26 - 10 - 2013, 10:00 AM
|
رقم المشاركة : ( 3 ) | ||||
|
† Admin Woman †
|
رد: " أم الدنيا على أم الحنطور " للأذكياء فقط
مشاركة جميلة جدا
ربنا يباركك |
||||
|
|
|
26 - 10 - 2013, 11:47 AM
|
رقم المشاركة : ( 4 ) | ||||
|
..::| مشرفة |::..
|
رد: " أم الدنيا على أم الحنطور " للأذكياء فقط
ميرسى على موضوعك الجميل
|
||||
|
|
 |
|
العرض العادي
