عندى مشكلة ياريت مساعدة

[abanoub bushra]

ازيكم يا شباب كان عندى مشكلة صغيرة وعاوز رايكم كنت عند اب اعترافى وسألتة سؤال راح قالى روح لابونا (....)

وهو هيعرف يجاوبك احسن المهم رحت لابونا التانى وجاوبنى بس لاقيت معاة راحة اكتر واهتمام فكرت اخلية اب اعترافى

وانا رايح اعترف عندة قابلنى اب اعترافى الاول و قالى سألت ابونا التانى قلتلة اة ودخلنى معاة اعترف

انا مش عارف اختار مين من الاتنين يا ريت مساعدة

[virgen mary]

اهم حاجه فى اللاعتراف انك تحس ان ابونا قريب منك وانه بيقدر يفهمك ويقدر ظروفك وتكون فعلا بتستفيد من ارشاده ليك ب
س يا ابانوب الموضوع ده مش مجامله او انك محرج منه لانه الاعتراف حاجه مهمه جدااااااا
واى حاجه تختص بحياتك الروحيه يبقى لازم تتعامل بجديه
انت تقعد مع نفسك وتحدد مين اللى بساعدك روحيا وتاخد الحل وتعترف عنده
وبعدين الاباء الكهنه مش بيزعلوا خالص من الموضوع ده عادى جدااااا

[abanoub bushra]

عارف انة مش هيزعل بس محتار بين اليعرفنى من زمان وبيحبنى ولا اليعرف معلومات كتير ؟؟

[ايريني]

انا وقعت في نفس الا حصل معاك بعترف عند اب اعترافي من١٣ سنة وتقريبا حافظني وجه اب تاني بخدم معاه وكنت عايزة اسيب اب اعترافي واعترف عند ابونا التاني بحجة اني مش بتغير مع اب اعترافي وابونا التاني فاهمني اكتر بحكم الخدمة وكمان ابونا طلب مني حل من اب اعترافي ووقعت في نفس الحيرة قررت اطلب من ربنا المساعدة والارشاد وقلت هروح لابونا واقولة يعطيني حل اعترف عند اب تاني وذهبت للكنيسة واول ماشافني اب اعترافي قالي انتي فين ومش باينة بقالك فترة لية وتعالي علشان تعترفي انا بصراحة مش متعودة منه علي كدة وسؤاله عليا بالطريقة دي فسكت ومتكلمتش معاه واعتبرت ان ربنا مش عايزني اغير اب اعترافي وبعدها بشوية عرفت ان العيب فيا مش في اب اعترافي وبقيت اخد لبالي من ارشاداته عرفت ان انا فاتي كتير اما ابونا الا بخدم معاه مستغناش عن ارشاده ليا واعتبرته مرشدي الروحي
هو البابا شنودة لما سألوه عن الموضوع ده قال ممكن تسيب اب اعترافك وتروح لليريحك بس هل انت مش مرتاح فعلا مع اب اعترافك وهل لوروحت لابونا التاني هتتغير حياتك السؤال ده محدش يقدر يجاوب عليه غيرك ربنا يرشدك للصالح لخلاص نفسك لان ده اهم حاجة ‏‎ ‎
انا اسفة للاطالة

[abanoub bushra]

ميرسى على مساعدتك والاستفادة بس المشكلة انى بدرس لاهوت واب اعترافى مش دارس

بس الاب التانى دارس عشان كدة عاوز اخلية اب اعترافى عشان فى اسئلة فى اللاهوت اب اعترافى مش هيعرف يجاوبها

والاب التانى هيكون عارف الاجابات

مش عارف بقى هصلى وربنا يختار

[ايريني]

طب ماإنت لو مرتاح مع اب اعتر افك خليك معاه والاب التاني للاجابه علي الاسئلة علي فكرة اب اعترافك ده راجل قديس انه يقلك معرفش واسأل ابونا فلان ده اب عنده محبه كبيرة ومعلش استحملني شوية انا في مرة كنت بعترف وقلت لابونا انا عندي اسئلة كتير عايزة اعرف اجابتها فقالي ابونا يابنتي جلسة الاعتراف رب المجد بيكون موجود وعايز يسمع خطياكي مش اسئلتك اما الاسئلة تبقي في وقت تاني غير الاعتراف
ربنا يدبر امورك‎ ‎

[abanoub bushra]

بوصى بصراحة انا مش مرتاح معاة

بس المشكلة كل ما اروح اعترف عند ابونا التانى الاقية في وشى وياخدنى اعترف بالعفية هههههههه

وانا مش عاوز اقولو انا مش بستفيد منك

[ايريني]

ربنا يدبر الصالح صلي واطلب ارشاد ربنا

[abanoub bushra]

طيب صليلى من فضلك

[ايريني]

صلوات العدرا والقديسين ينورو الطريق قدامك ويعطيك ربنا حكمة في القول والفعل