حبيبت عمري ؟؟؟؟؟؟؟؟؟؟؟؟؟؟؟؟؟؟؟؟؟؟

[femon]

حبيبت عمري

حبيبت عمري اللي انا حبيتها
وياما عملت عشانها كتير
علشان اجي وادخل بيتها
باعتني خلاص
باعت الحب باعت العشره
باعت الطيبة والإخلاص
قالتلي خلاص مش عاوزة اكمل
افهم بقي وابعد واتعلم
واياك تاني تبصبص ليا
ومعايا متجيش تتكلم

قالت كل كلام يتقال
باعتلي البيعه وفوقيها بيعه
تقولشي ولا اجدع بقال !!

خدت انا بعضي ورحت مشيت
كل لما اشتاق ليها او احن
يتعاد تاني في مخي شريط
واجري بسرعه وافكر نفسي
واقولي .. محرمتش ياعبيط

مش زعلان انها فارقتني
ولا انها قسيت وباعتني
ولا انها زودت الهم ويا الضيق
المشكلة بعدت وسابتني
علشان حبت اغلى صديق

كنت يوماتي معاه في الدار
مع بعضينا ليل ونهار
خاني وباعني وكلم ابوها
وعادي .. ساب صاحبه ينهار

انا مش عارف علي مين الوم
علي صديق العمر بحاله
ولا حبيبه شغلت باله
وعلي عومه كانت بتعوم

حد يقولي علي مين الوم !!

انا قررت ارضى واعيش
ايه يعني فارقتني عشانه
هو وهي ميلزمونيش

يكفي ان انا كان قلبي نضيف
سحبت انا نفسي بشكل لطيف
ومش مضايق او زعلان
ربنا بكره يعوض صبري
وده حقيقه مش عاوزة كلام

بصاحب تاني شهم اصيل
وحبيبه تشتاق وتميل
وربنا قادر يشفي جراحي
ولهموم قلبي بردو يزيل

بدعيلكم من اعماق قلبي
ان الله يسمع ويلبي
واشوفكم بقي اجمل عرسان
بس اياكوا تخونوا بعضيكم
او تطاولوا بأي كلام
ماهو يقال اللي يخون مرة
سهل يخون ميت مرة كمان
بقلم
مايكل سامي

[فرونكا]

ماهو يقال اللي يخون مرة
سهل يخون ميت مرة كمان

كلمات جميلة اوى ربنا يباركك فيمون

[ناردين]

شكرا فيمون ربنا يقويك

[femon]

المشاركة الأصلية كتبت بواسطة فرونكا

ماهو يقال اللي يخون مرة
سهل يخون ميت مرة كمان

كلمات جميلة اوى ربنا يباركك فيمون

دي مش كلماتي دي منقوله يافيرو
ميرسي لمرورك الرب يباركك

[femon]

المشاركة الأصلية كتبت بواسطة ناردين

شكرا فيمون ربنا يقويك

ميرسي لمرورك ومشاركاتك العطرة ناردين

[اوفا]

ميرس كتير فيمون ربنا يباركك

[كاتى]

رااااااااااااااائع جداااااا مع انها محزنه
بجد كلماته فى منتهى الجمال

[روشا الفرفوشه]

جميله قوى فيمون

[femon]

المشاركة الأصلية كتبت بواسطة اوفا

ميرس كتير فيمون ربنا يباركك

ميرسي لمرورك ومشاركاتك العطرة اوفا

[femon]

المشاركة الأصلية كتبت بواسطة اوفا

ميرس كتير فيمون ربنا يباركك

ميرسي لمرورك ومشاركاتك العطرة اوفا