|
 |
 |
 |
|
رقم المشاركة : ( 1 )
08 - 01 - 2013, 03:14 PM
|
|||||||||||
|
|||||||||||
|
عارفين من اللي ف الصورة دة ؟؟؟  دة د.محمود داوود مين د.محمود داوود ؟؟ الدكتور محمود داوود هو طبيب تكليف خريج الدفعة 42 طب المنصورة طبيب تكليف زي أي طبيب تكليف محدش يعرفه ومش مشهور بس النهاردة مات !!! مات وهو ف شغل خاص شغال ف حضانة للأطفال المبتسرين لتحسين دخله نظرا لأنه دكتور تكليف ولسة متجوز جديد من خمس شهور بس ومرتب التكليف ما يكفيش لأن الدكتور يكتفي بالوظيفة الحكومية علشان يكفي بيته ويعيش عيشة كريمو فلازم الدكتور يشتغل شغل تاني خاص الاطباء بيسموه (private) بينهم وبين بعض علشان يادوب يعيش عيشة مستورة الدكتور محمود كان بيشتغل ف الحضانة دي الشيفت 12 ساعة مقابل 40 جنيه !!! طب ايه اللي حصل .... امبارح وهو شغال ف الحضانة النور قطع فطبعا ماينفعش الكهربا تقطع ف الحضانة علشان الاجهزة اللي شغالة لو بطلت الاطفال الليف الحضانات دي تموت ... ف بيكون في مولد كهربي صغير كدة يشغل الاجهزة دي لحد ما الكهربا ترجع ... المولد دة كان محطوط ف غرفة مغلقة ف الحضانة .... د.محمود شغل المولد وقعد جنبه علشان يفصله أول ما الكهربا ترجع والشبابيك مقفولة ولف نفسه بكوفية علشان الدنيا كانت برد وقعد .. شوية وغلبه النوم ... طبعا المولد فضل يطلع ف عادم مليان أول اكسيد الكربون وهو يتنفس منه لحد ما اتخنق وهو نايم مش هو لوحده اللي اتضر الممرضات اللي كانو موجودين كمان اتضروا وفي واحدة حاليا على جهاز التنفس الصناعي بتصارع الموت الدكتور محمود صحيح ماماتش على ايد بلطجي ولكنه مات نتيجة بلطجة وزارة صحة و طرمخة نقابة اطباء سابت الطب وانشغلت بالسياسة علشان تنال رضا قيادات سياسية ف مصر الدكتور محمود مات وهو بيجري على قرش لمجرد انه يعيش حياة مستورة الدكتور محمود كان اكتر واحد بياخد ف الاسباب ف وسط اصحابه ودي شهادتهم ملتزم ف مواعيده بيذاكر دايما بيروح وحدته كل يوم وف الاخر برضه ماوصلش للمكانة اللي بيوصلها الدكتور ف أي بلد محترم الدكتور محمود مات قبل مايسمع كلمة بابا من الطفل اللي زوجته حامل فيه حاليا النهاردة مات دكتور ... صحيح الناس ماتعرفوش ومش مشهور بس كان محترم كان اسمه #د_محمود_داود 
|
 |
|
العرض العادي
