علاقاتك بتبنيك ولا بتسممك؟ 🛑☣️

[walaa farouk]

عشان تعرف إنت مع مين!
إيه هي علامات "العلاقة المسممة" اللي لازم تهرب منها؟ 🚩
1️⃣ بتبعدك عن ربنا:
أول ما تلاقي العلاقة دي بتسحبك
بعيد عن الكنيسة وعن الجو الروحي، اعرف إنها "سم"

2️⃣ السيطرة والتبعية (الماريونيت):
لما يكون طرف مسيطر
تماماً وبيمشيك زي "العروسة اللعبة" ويلغي شخصيتك،

3️⃣ الغيرة والتنافس:
لما صاحبك يحطك في دماغه
ويقارن نفسه بيك في كل حاجة (اللبس، الشغل، الجواز)،
وما يحبش يشوفك بتكبر، زي "قايين وهابيل"

4️⃣ اختراق الحدود والخنقة:
مفيش خصوصية، "كنت بتكلم مين؟"،
"رحت فين؟"، مراقبة هليكوبتر فوق دماغك طول الوقت

. 5️⃣ الاستغلال والمصلحة:
طرف بيمتص التاني
وبيستغله مادياً أو معنوياً، زي "دليلة وشمشون"

6️⃣ النقد الهدام:
الشخص اللي دايماً يكسر مقاديفك
ويحسسك إنك "ولا حاجة" عشان يثبت هو ذاته على حسابك

. 7️⃣ الخيانة وفضح الأسرار:
الشخص اللي تأمنه على سرك
ويروح يبيعك أو يشهر بيك في ضهرك
.
طيب إزاي أعرف إن علاقتي "صحية وسوية"؟ ✅
(7 صفات ذهبية):
✨ 1. النمو المستمر:
العلاقة دي بتخليك أحسن،
وبتطلع "أحلى نسخة منك"

✨ 2. المسؤولية المتبادلة:
كل طرف بيشعر إنه مسؤول
يساعد التاني إنه ينجح ويعيش حياة أفضل ويوصل للسما

. ✨ 3. مساحة حرية:
مفيش خنقة ولا مراقبة، فيه ثقة
بتخليك تتحرك براحتك ومن غير ما تحس إنك "مكتوم"

. ✨ 4. أمان وثقة:
تقدر تتكلم عن نفسك وتغلط براحتك
وإنت عارف إن اللي قدامك مش هيمسكها لك ولا هيذلك بيها

✨ 5. الدعم والإتاحة:
تحس إن الشخص ده دايماً في ضهرك
ومتاح ليك في أي وقت تحتاجه فيه

. ✨ 6. الاحترام المتبادل:
احترام للضعفات، احترام للوقت،
واحترام لاختلاف الشخصيات

✨ 7. التفاهم والتفهم:
حوار رايح جاي بهدوء، وقدرة على
استيعاب وجهة نظر التاني والتنازل عشان المركب تمشي
.
وخلينا متفقين أن العلاقة الوحيدة المثالية اللي فيها
السبع صفات دول 100% هي علاقتك بـ "ربنا يسوع المسيح"؛
هو الصديق اللي بيحترمك، ويتحمل مسؤوليتك، ويدي أمان،
ويطلع أحسن ما فيك
راجع علاقاتك النهاردة.. وما تكونش إنت "توكسيك" لغيرك! ❤️