بتحس إنك لوحدك ومفيش مخرج؟ 😔

[لمسة يسوع]

عمرك حسيت إن المشاكل لما بتزيد حواليك،
بتحس إنك لوحدك ومفيش مخرج؟ 😔

ده بالظبط إحساس داود وهو بيقول:
«يا رب، ما أكثر مضايقيَّ! كثيرون قائمون عليَّ».

داود ما أنكرش إن حواليه أعداء كتير، وما حاولش يجمّل الموقف… هو شاف الضيقة زي ما هي، بس ما وقفش عندها.
لأنه بعد ما قال: «كثيرون قائمون عليَّ»،
قال حاجة أقوى بكتير: «أما أنت يا رب فتُرسٌ لي» 🛡️❤️

يعني: حتى لو الناس كلها قامت عليَّ، أنت كفاية تحميني.
حتى لو أنا مش قادر أدافع عن نفسي، أنت ترسي.
حتى لو الظروف بتحاول تكسرني، أنت اللي تسندني.

والأجمل إنه قال: «مجدي ورافع رأسي» 👑✨
يعني ربنا مش بس بيحميني من اللي بيحاربوني…
ده كمان بيرفع رأسي بعد ما انحنيت من التعب.

ممكن تكون داخل النهارده ورأسك واطية من مشكلة، أو فشل، أو كلام وجعك، أو إحساس إن كل حاجة ضدك…
بس افتكر: اللي بيحميك هو نفسه اللي يقدر يرفع راسك من جديد.
متبصش على عدد اللي قائمين عليك…
بص على مين اللي واقف معاك. ❤️
لأن لما يكون الرب تُرسك، مش معنى كده إن مفيش معارك…
لكن معناه إن المعركة مش أكبر من إلهك. 🛡️🔥

🙏🏻 يا رب، مهما كترت الضيقات حواليا،
خليني أشوفك أنت أكتر من كل حاجة.
كن ترسي، ومجدي، ورافع رأسي.
ولما أتعب وأنحني، ارفعني أنت. آمين. 🙏❤️
ولما أتعب وأنحني، ارفعني أنت. آمين. 🙏❤️

[Mary Naeem]

مشاركة جميلة جدا
ربنا يبارك حياتك