|
 |
 |
 |
|
رقم المشاركة : ( 1 )
يوم أمس, 07:43 PM
|
|||||||||||
|
|||||||||||
|
مش كل حاجة بتوجعك… معناها إنك خسرت . أوقات الوجع بيكون آخر درس قبل ما ربنا يعوّضك🤍 في حاجات بنجري وراها بكل قوتنا… ولما محلصتش، بنفتكر إن الدنيا قفلت في وشنا. بنزعل على شخص مشي… على حلم اتأخر… على باب اتقفل… على فرصة كنا فاكرين إنها فرصتنا الأخيرة. ونفضل نسأل: “ليه يا رب؟ أنا عملت إيه علشان ده يحصل؟” بس يمكن السؤال الصح مش: ليه حصل كده؟ يمكن السؤال لازم يكون: “ربنا بيحميني من إيه؟” إحنا ساعات بنكون متعلقين بحاجة… وربنا شايف إنها هتوجعنا أكتر لو أخدناها. إحنا شايفين باب بيتقفل… وسبحانه شايف باب تاني بيتفتح. إحنا شايفين التأخير… وسبحانه شايف التوقيت اللي عمرنا ما كنا هنفهمه لو استعجلنا. عشان كده… آمن إن الرزق مش بس فلوس… الرزق كمان شخص صالح، وراحة بال، وستر، وصحة، ونجاة من حاجة أنت أصلًا مش عارف إنها كانت هتكسرك. كمّل سعيك. اعمل اللي عليك، وخد بالأسباب، ومتستسلمش. ولو الطريق اتقفل… غيّر الطريق، متغيّرش يقينك. ولو حلمك اتأخر… متعتبرش التأخير رفض. ولو الدنيا وجعتك… متخليش الوجع يقنعك إن ربنا ناسيك. يمكن أنت دلوقتي واقف في أكتر نقطة وجعاك في حياتك… بس يمكن هي نفسها اللحظه اللي بعدها هتقول: “الحمد لله إن اللي كنت عايزه محصلش.” 🥹🤍 لأن أحيانًا… سبحانه لما يمنع عنك حاجة، بيكون بيحميك. ولما يأخر عنك حاجة، بيكون بيجهزك. ولما يغيّر طريقك، بيكون بيقربك من طريقك الحقيقي. فـ كمّل… حتى لو موجوع. كمّل… حتى لو مش فاهم. كمّل… حتى لو الدعوة لسه محصلتش. طالما بتسعى، وبتدعي، وبتحسن الظن بربنا… إنت مش تايه… إنت في الطريق. 🤍 
|
 |
|
| قد تكون مهتم بالمواضيع التالية ايضاً |
| الموضوع |
| الوجع أوقات بيكون بداية النقاء |
| أوقات التجنب بيكون أهدى من العتاب |
| أوقات سكوتك بيكون زي حضن |
| أوقات التأخير بيكون حماية |
| الوجع بيكون ع أد العشم |
العرض العادي
