|
 |
 |
 |
|
رقم المشاركة : ( 1 )
22 - 06 - 2026, 05:59 AM
|
|||||||||||
|
|||||||||||
|
"لا تخاف" ❤️ كلمة بتتكرر حوالي 365 مرة في الكتاب المقدس… كأن ربنا بيقولك: كل يوم أنا معاك، لا تخاف. أيها القطيع الصغير… لا تخاف، لأن لكم أبًا ورعاية وملكوتًا. إحنا محتاجين نطرد الخوف من قلوبنا… خوف على أولادنا، خوف على نفسنا، خوف من الفشل، خوف من المستقبل، خوف من المرض والموت، خوف من قلة الحيلة وقلة المعيشة. كل الأخبار حوالينا ممكن تقلقنا… أخبار الحروب، والأمراض، والأوجاع… لكن منين نجيب "لا تخف"؟ الحل في الثلاث كلمات اللي بعدها: "أيها القطيع الصغير" 🕊️ يعني عندك راعي يحميك… وعندك أب يحبك… وعندك ملكوته مفتوح لك. ما تركزش على نفسك كتير… وما تركزش على الأحداث كتير… ركز على اللي ماسك كل الأمور. بص لعينيه… هو ماسك إيدك. زي ما قال داود: "جعلت الرب أمامي في كل حين، لأنه عن يميني فلا أتزعزع". الحل إنك تحط ربنا قدامك باستمرار… تكلمه، تمسك صليبه، وتفتكر إن ثقتك في البشر أو المال أو الصحة أو الإمكانيات كلها ممكن تتغير… لكن هو ثابت. ولما تيجي مشكلة… ما تبعدش عن ربنا وتزعل منه، لأن المشكلة مش جاية منه… هو الراعي اللي يمسك فيك ويبعد عنك الذئاب. ربنا يعرف ضعف أولاده… يدافع عنهم، يرسل لهم معونة، ويحول كل الظروف للخير. وفي السماء هنفهم كم مرة دافع عنا وكم مرة حمانا كأب محب ❤️ "هو يريد أن الجميع يخلصون وإلى معرفة الحق يقبلون" 🙏 
|
 |
|
العرض العادي
