محمد جوهر يكشف: الجنود كانوا كل دقيقتين يعمروا المدافع بحثًا عن مسيحيين

[jajageorge]

محمد جوهر يكشف: الجنود كانوا كل دقيقتين يعمروا المدافع بحثًا عن مسيحيين والقس رفض خلع ملابسه السودا وقال: أستشهد ومش هنكر مسيحي

الاربعاء 10 اكتوبر 2012

*يسري فودة: عامٌ على مذبحة ماسبيرو، أيادٍ ملطخةٌ تُكرَّم، و أيادٍ طاهرةٌ لا تستحقونها يا قتلة. من أجل هؤلاء و من أجلكم أيضاً فافتحوا عيونكم لعلكم تُرحمون.

والدة الشهيد مينا دانيال: مبروك عليك الفردوس يا ولدي، وحشتني بجسدك بس روحك معايا.
* طنطاوي سبب مذبحة ماسبيرو، هل الجنود يقدروا يعملوا حاجة من غير ما ياخدوا أمر.
* القضية تم تقييدها ضد مجهول ومرتكبيها خرجوا مكرمين.
مبروك عليك الفردوس يا ولدي ولطنطاوي وعنان ورشا مجدي: هربتوا من حكم الشعب بس هتعرفوا تهربوا من حكم ربنا؟؟؟ طبعًا لا

* زوجة الشهيد جرجس: زوجي مات قبل أن يرى مولوده الأول، وتركني وحيدة بالحياة.
* أبناء أحد الشهداء: أنا بحب بابا أوي وهو وحشني...

* والدة مايكل مسعد: مايكل كان ابني وحيدي، وحشني، ونفسي في القصاص العادل.
* المستشار أمير رمزي: حزين على العدالة في بلدي.
* هل بعد كل تلك الأدلة الصوتية والمرئية وشهود العيان ولازالت هذه القضية لم تحسم فيها التحقيقات بعد؟؟
* بعد وجود 27 جثة وعدد من الإصابات ويتم إدانة ثلاثة جنود فقط وتحسب جنحة قتل خطأ؟؟؟ إزاي الكلام دة يقبله العقل والمنطق.

* عاملين بقناة 25 يناير: الجيش هجم على مقر القناة والجنود كانوا بيصطادوا المسيحيين وإحنا بيخلونا نمشي.
* شيرين الصياد مذيعة بالقناة تصرخ حرام عليكوا حرام عليكوا.
* العاملين بالقناة من الملسمين كانوا يخبئون زملائهم المسيحيين والمسيحيين الفارين من دهس الدبابات وأعطوهم بطاقاتهم ليقولوا إنهم مسلمين لينجو من البطش والقتل.

* محمد جوهر رئيس قناة 25 يناير: أنا لم أحمي الأقباط وقت ماسبيرو، بل ربهم هو اللي حماهم، أنا مقدرش أحميهم من موجات من جحافل الجيش وناس لابسة مدني ومستخبية.
*استحالة أقدر أحميهم من بطش ناس معميين كانوا بيبحثوا في كل خرم إبرة على قبطي عشان يأذوه.
* الساعة 7 إلا ربع لقينا وابل من الرصاص ينهال على منطقة ماسبيرو من مدنيين ومجندين وبعض البلطجية الذين يحملون سنج وسيوف.
* الجثث كانت في مقر القناة وللأسف عشان أدخل جوة أضطريت أدوس عليهم.

* جوهر يبكي ويسرد: حزنت إني أعدي على جثة شباب في عمر ابني وراجل في سن أبويا.
* شفت جثث مدبوحة وجثث مهروسة بالدبابات.
* اللي حصل بماسبيرو عمري ما شفته في حياتي.
* خبأت جثث وأهالي شهداء في الحمام واضعًا أمامهم ستارة ومكتب حتى لا تتعرف عليهم قوات الجيش.
* تصرفات الجنود تجاه الأقباط كانت عنصرية وهمجية وهستيرية.
* الجنود كانوا كل دقيقتين يعمروا المدافع ويطلبوا بطاقات الناس والمسيحي يضربوه ويبهدلوه.
* لقيت جندي واقف وجنبه واحد ماسك سيف وبلطة وبقوله مين دة يا جندي؟ قاللي دة مواطن شريف.
* بعض المسيحيين أضطروا يصلوا الفجر عشان ميموتوش لما يتعرفوا إنهم مسيحيين.
* القس رفض خلع ملابسه السوداء وعمامته وقال هموت في لبس كهنوتي ومش هداري مسيحي.
* القس لم يقبل مني إلا وضع مصحف معاه في جيبه وقلت له: المصحف يقدر يحفظك.