الحياة علمتني ان أصعب شعور ممكن يعيشه الإنسان انه يحس ان لازم يبقى قوي طول الوقت لا يعيط لا يضعف لا يشتكي ويفضل شايل جواه فوق طاقته علشان ما يزعجش حد بس الحقيقة إن الإنسان مش آلة وان أكتر القلوب اللي بتضحك للناس بيبقى جواها تعب محدش شايفه.
اتعلمت إن مش كل اللي ساكت مرتاح وفي ناس وصلت لمرحلة إنها بطلت تحكي مش علشان وجعها خف لكن علشان تعبت من الشرح.
واتعلمت إن الاحتواء الحقيقي مش إنك تحل مشاكل حد الاحتواء إنك تخليه يحس إنه مش لوحده وان في فرق كبير بين شخص موجود وشخص حاضر بقلبه.
اتعلمت ان بعض الناس ربنا بيبعتهم في حياتنا كرحمة مجرد وجودهم بيخفف تقل الأيام وكلمة منهم ممكن تصلح حاجة جوانا كانت مكسورة.
واتعلمت ان القسوة مش دايماً قوة ومش دايماً ضعف أوقات كتير بتكون مجرد روح تعبت ومحدش احتواها.
وإن أنضف الناس… هما اللي رغم اللي شافوه، لسه بيعرفوا يطمنوا غيرهم ولسه في قلبهم مساحة للرحمة.
الحياة مش محتاجة مننا نبقى خارقين هي محتاجة بس قلوب أهدى وأحن وأصدق.
14 - 05 - 2026, 06:04 AM
رد: الحياة مش محتاجة مننا نبقى خارقين هي محتاجة بس قلوب أهدى وأحن وأصدق
العرض العادي
