ليه سبع شمعات

[walaa farouk]

واقف قدام "القنديل" مكسور وشايل شيلة تقيلة،
بس الكنيسة قررت إنك مش هتدخل "أسبوع الآلام" وجروحك مفتوحة! 🕯️🔥
فى"جمعة ختام الصوم".. اليوم اللي بننفض فيه غبار الأيام اللي فاتت
عشان نستعد لأصعب وأجمل رحلة في السنة. الكنيسة بتجمعنا كلنا في "القنديل العام"
، طقس مهيب مبيتكررش غير مرة واحدة، وكأنها بتبعتلك رسالة "vip" من السما
بتقولك: "تعالى اترمِ في حضن المسيح واتدهن بالزيت قبل ما تمشي وراه للجلجثة."
​طب ليه القوشة دي كلها؟ وليه السبعة دول بالذات؟ 🤔
​سيدنا البابا تواضروس الثاني لخص الحكاية ببساطة تلمس القلب..
القنديل" يعني حاجة بتنور عتمتك، والعدد "7" هو رقم الكمال اللي بنحاصر بيه وجعنا بـ:
✨ 7 صلوات.. و 7 طلبات..
عشان مفيش حتة في كيانك تفضل ضلمة.
​ده مش مجرد طقس شكلي، ده "سر مسحة المرضى".. السر اللي بيمسح على:
📍 جسمك: اللي هده التعب والمرض.
📍 نفسك: اللي شايلة هموم وخوف من بكرة.
📍 روحك: اللي تاهت في زحمة الخطية.
​اشمعنى في ختام الصوم؟ ✝️
عشان الكنيسة أم حنينة، عايزة تدخلك أسبوع الآلام وأنت "فُل"
.. قلبك متصنفر بالتوبة، ونفسك صافية، ومحب لكل الناس.
مينفعش تمشي ورا المسيح في طريق الصليب وأنت شايل غل أو وجع مأثر فيك.
​"القنديل مش نهاية الصوم.. ده الباب اللي بيفتحلك أعمق أسبوع في السنة" 🕊️
أسبوع مش أيام عادية، ده وقت بنعيش فيه الصليب والموت والقيامة بكل جوارحنا..
كل ده عشان خلاصك "أنت" شخصياً!
​👇اطلب من ربنا يديك القوة إنك تسكب من الزيت ده على كل جرح
هتقابله في أسبوع الآلام، وقوله: "يا رب، قويني أعيش أسبوعك وأنا مليان من زيت شفاك"."