يوميات يونان النبي 📖 | رحلة الثلاثاء صلاة من الأعماق وتذكرة العودة من جوف الحوت 🐋

[walaa farouk]

بعد ما يونان اترمى في البحر، الكل افتكر إن دي النهاية..
لكن ربنا كان مجهز "خطة إنقاذ" غريبة جداً وغير متوقعة!

🌊 الهروب من الموج.. إلى جوف الحوت!
بدل ما يونان يغرق في أعماق الميه،
ربنا أرسل له "غواصة إلهية"👇🏻
«وَأَمَّا الرَّبُّ فَأَعَدَّ حُوتًا عَظِيمًا لِيَبْتَلِعَ يُونَانَ.
فَكَانَ يُونَانُ فِي جَوْفِ الْحُوتِ ثَلاَثَةَ أَيَّامٍ وَثَلاَثَ لَيَالٍ.»
(يونان 1: 17)

يونان اللي كان هربان من "وجه الرب"،
لقى نفسه في أضيق مكان ممكن يتخيله..
ظلام، رطوبة، وصمت رهيب.

لكن المكان ده كان هو "المخدع"
اللي يونان بدأ يتكلم فيه مع ربنا تاني.

⚓ يونان لقي أن الصلاة..
طوق النجاة الوحيد وهو في بطن الحوت،
ملقاش قدامه غير إنه يرفع عينه للي هرب منه.

وهنا بنسمع واحدة من أجمل صلوات التوبة في الكتاب المقدس: 👇🏻
«دَعَوْتُ مِنْ ضِيقِي الرَّبَّ، فَاسْتَجَابَنِي.
صَرَخْتُ مِنْ جَوْفِ الْهَاوِيَةِ، فَسَمِعْتَ صَوْتِي.»
(يونان 2: 2)

لكن في وسط كل ده، يونان مكنش فاقد الرجاء
، وقال جملته الشهيرة: 👇🏻
«وَلأَعُدْ أَنْظُرُ إِلَى هَيْكَلِ قُدْسِكَ.»
(يونان 2: 4)

وهنا يونان وصف حالته بدقة:
قد اكتنفتني مياه الى النفس. أحاط بي غمر.
التف عشب البحر براسي."
(يونان 2: 5)

الميه حاصرت نفسه.
والغمر أحاط بيه.
وعشب البحر التف براسه.

نزل لأسفل الجبال.
. وحس إن الأرض قفلت أبوابها عليه للأبد.

وهنا يونان فهم الدرس أخيراً.
عرف إن اللي بيتمسك بالأباطيل
(زي الهروب أو الاعتماد على الذات)
بيسيب رحمته.

فقرر يرجع لربنا بقلب جديد: 👇🏻
أَمَّا أَنَا فَبِصَوْتِ الْحَمْدِ أَذْبَحُ لَكَ، وَأُوفِي بِمَا نَذَرْتُهُ. لِلرَّبِّ الْخَلاَصُ.
(يونان 2: 9)

وبمجرد ما يونان قدم توبة حقيقية،
صدر الأمر الإلهي فوراً: 👇🏻
«وَأَمَرَ الرَّبُّ الْحُوتَ فَقَذَفَ يُونَانَ إِلَى الْبَرِّ.»
(يونان 2: 10)

💡طيب نتعلم إيه من حكاية "النهاردة"؟
الضيق هو مدرسة الصلاة:
أحياناً ربنا بيسمح بـ "حوت"
(مشكلة، ضيقة، حزن)
مش عشان يموتنا، لكن عشان يخلينا نهدى ونركز معاه هو بس.

مفيش مكان بعيد عن ربنا:
لو كنت في جوف الهاوية ،
أو حاسس إن المشاكل بلعاك ،
افتكر إن ربنا سامع صوتك من جوه الحوت.

ربنا مستني منك كلمة "يا رب" بجد،
وأول ما هتنطقها، "الحوت" اللي خانقك هيجيله أمر يسيبك.

فكر معاي النهاردة..
إيه هو "الحوت" اللي أنت محبوس جواه دلوقتي؟

هل جربت تصلي صلاة يونان
وتقول "للرب الخلاص" وتسيب الباقي عليه؟


صوم_يونان
رحلة_نينوى
اليوم_الثاني
من_جوف_الحوت