أعمدة الخيمة وقواعدها

[walaa farouk]

أعمدة الخيمة وقواعدها
السند اللي شايل والأساس اللي مثبت
​بعد ما حكينا امبارح عن الأغطية التقيلة اللي مغطية الخيمة،
كان لازم نسأل: إيه اللي شايل كل ده؟
وإزاي الخيمة واقفة ثابتة وقوية في وسط رمل البرية والهوا؟
​يا جماعة الأعمدة دي هي "الهيكل" اللي شايل السور
وشايل الشقق والستائر، ومن غيرها مفيش خيمة أصلاً.
والسور ده مكون من 60 عمود، متوزعين بدقة هندسية مدهشة
عشان يحيطوا بالخيمة من كل اتجاه.
​يلا بينا نعرف تفاصيل الـ 60 عمود بالآيات بتاعتهم:

​1. الـ 20 عمود (جهة الجنوب)
دول اللي شايلين السور من ناحية الجنوب 👇🏻
«فَتَصْنَعُ لِدَارِ الْمَسْكَنِ إِلَى جِهَةِ الْجَنُوبِ نَحْ نحو التيمنِ سُتُوراً...
أَعْمِدَتُهَا عِشْرُونَ، وَقَوَاعِدُهَا عِشْرُونَ مِنْ نُحَاسٍ»
(خروج 27: 9-10)

​2. الـ 20 عمود (جهة الشمال)
ودول المقابلين ليهم من ناحية الشمال 👇🏻
«وَإِلَى جِهَةِ الشِّمَالِ فِي الطُّولِ سُتُورٌ مِئَةُ ذِرَاعٍ طُولاً،
وَأَعْمِدَتُهُ عِشْرُونَ، وَقَوَاعِدُهَا عِشْرُونَ مِنْ نُحَاسٍ»
(خروج 27: 11)

​3. الـ 10 أعمدة (جهة الغرب)
ده عرض السور من ورا 👇🏻
«وَفِي عَرْضِ الدَّارِ إِلَى جِهَةِ الْغَرْبِ سُتُورٌ خَمْسُونَ ذِرَاعاً.
أَعْمِدَتُهَا عَشَرَةٌ، وَقَوَاعِدُهَا عَشَرَةٌ»
(خروج 27: 12)

​4. الـ 10 أعمدة (جهة الشرق - ناحية الباب)
والناحية دي متقسمة عشان الباب يكون في النص
(3 يمين + 3 شمال + 4 للباب) 👇🏻
«خَمْسَ عَشْرَةَ ذِرَاعاً مِنَ السُّتُورِ لِلْجَانِبِ الْوَاحِدِ. أَعْمِدَتُهَا ثَلاَثَةٌ...
وَلِلْجَانِبِ الثَّانِي... أَعْمِدَتُهَا ثَلاَثَةٌ... وَلِبَابِ الدَّارِ سَجْفٌ... أَعْمِدَتُهَا أَرْبَعَةٌ»
(خروج 27: 14-16)

وعشان الأعمدة دي متتهزش من ريح البرية،
كان فيه أوتاد من نحاس مربوطة بحبال قوية 👇🏻
«جَمِيعُ أَوْتَادِ الْمَسْكَنِ وَأَوْتَادِ الدَّارِ حَوْلُ مِنْ نُحَاسٍ»
(خروج 27: 19)

​طيب بترمز لإيه في العهد الجديد؟
الأعمدة دي هي "صورة" للمؤمنين والخدام اللي شايلين كلمة ربنا في العالم:

​الذهب والخشب والفضة
خشب السنط (ناسوتنا) متغطي بذهب
(نعمة ربنا)، ورأسنا مرفوعة بـ "تيجان الفضة" اللي هي فداء المسيح اللي جملنا ورفع شاننا.
​قواعد النحاس والفضة

أعمدة السور واقفة على نحاس الاحتمال ودينونة الخطية.
لكن كل ما تدخل لعمق ربنا في قدس الأقداس تلاقي الأعمدة واقفة على فضة
(الفداء الخالص)
يعني كل ما تقرب من ربنا تكتشف إن "دمه" هو الأساس الوحيد اللي شايلك.

​الأوتاد والحبال
الأوتاد اللي مدقوقة في الأرض هي "وعود ربنا" اللي مش بتتخلع
. مهما كانت رياح التجارب في حياتك شديدة
، إنت ممسوك بحبال الحب الإلهي وأوتاد الكلمة اللي بتخليك ثابت في مكانك.

​عايزك تتطمن.. إنت "عمود" في بيت ربنا، متغطي بنعمته،
ومسنود على فداه، ومربوط بوعوده اللي مابتتغيرش.