|
 |
 |
 |
|
رقم المشاركة : ( 1 )
19 - 01 - 2026, 11:48 AM
|
|||||||||||
|
|||||||||||
|
مجرد حوار تخيلته امبارح بليل وقت القداس أنا بحب عيد الغطاس جدا وله معايا ذكريات كتير حلوه لكن وسط وانا واقف في اللقان امبارح ووسط الألحان جه الحوار ده جوايا ولما شوفت الصوره دي حاسيت الحوار ده اكتر واكنه بيتجسد قصادي الصوره ناس كتير حوالين الأردن وحطيت نفسي وسطيهم والمسيح ويوحنا والروح القدس نازل فجه صوت من السما بيقول الصوت: شوفت الروح وهو نازل أنا: لا ماشوفتش الصوت: امال شوفت ايه أنا: شوفت واحد خاطي جاي يتوب واتكلم مع يوحنا وكان حوار طويل شاكله خطاياه كانت كتير الصوت: يعني ماشوفتش الروح القدس وهو نازل عليه أنا : ولا عارف يعني ايه روح قدس الصوت: عارف ليه؟ أنا : ليه؟ الصوت: لانك باصص علي الناس بعينك باصص ان ده خاطي وده وده وده وده ومش باصص لتوبتك انت أنا : أنا ؟ ده أنا كنت واقف علي الأردن وطالع من المايه وتايب وزي الفل الصوت: دي مشكلتك انك شايف نفسك حلو وتايب وعمال تحاكم تقول ده داخل خاطي ويا تري بيقول ايه هو اذاي ده أصلا كويس أنا : بس مش دي فكره العيد الصوت: بس دي فكرتي ليك في العيد ممكن عينك ماتشوفش احلي منظر في الحياه ان الروح القدس نازل علي حد بيقوله ( انت ابني حبيبي) ممكن تبقي شايفه اوحش واحد بس السما بتقول عليه ده ابني اصل انت مش عارف اللي حصل أنا: ايه اللي حصل الصوت: المسيح صار خطيه لأجلنا تخيل !! فالسما بتفرح بخاطئ واحد يتوب اكثر من ٩٩ بار لا يحتاجون للتوبه فتخيل السما فرحت لما المسيح كان في الأردن اكنها بتقول أنا كمان هافرح بيك وانت تايب أنا : يااااه أنا عيني بتشوف نفسي مشافتش الروح نازل علي حد الصوت: علشان مش قادر تشوف ان في ناس كتير السما بتفرح بيهم حتي لو انت لسه شايفهم وحشين ارفع عينك عن ان ده وحش وجاي يتوب وبص عليه اكنه عضو في المسيح ساعتها هاتلاقي الروح القدس نازل عليه بيقول عليه ده ابني وانت ساعتها تتحول من شخص عادي لشخص عينه مفتوحه زي يوحنا المعمدان عينك ساعتها لا هاتبقي علي نفسك ولا علي حد عينك هاتبقي في السما والحضور الإلهي ماليك أنا : أنا محتاج أتعمد تاني الصوت: تعالي في حضني واتنازل عن نفسك واتناول وخُد نفسك وخلي عينك عليا 
|
 |
|
| قد تكون مهتم بالمواضيع التالية ايضاً |
| الموضوع |
| اقعد مع نفسك وخلي ربنا يبقى حاضر في خلوتك |
| وسأعيد نفسك المرهَقة لأمان حضني |
| توب وانت عينك على الله مش على نفسك ❎ |
| كمل وانت شايل وخلي عينك عليا |
| وسط تعالي صرخات البنات من التحرش .. دافعي عن نفسك بدون سلاح |
العرض العادي
