|
 |
 |
 |
|
رقم المشاركة : ( 1 )
08 - 01 - 2026, 10:29 PM
|
|||||||||||
|
|||||||||||
|
ساعات الزمن يجري… والناس تبصّ عليك وتفتكر إنك عدّيت، إنك قمت من حزنك، وإن الحياة ساقتِك لقدّام من غير ما تِبص وراك. بس هما مايعرفوش إن في ساعة معينة اتقفلت جواك… ساعة كل حاجة اتغيّر فيها فجأة، ساعة حسّيت إن الواقع خد من قلبك حد كنت متعود عليه، حد كان جزء من يومك، من تفاصيلك، منك أنت. ومن اليوم ده… بقيت بتخاف من كلمة “فقد”. اتكسرت ثقتك في الثبات… واتعلمت إن اللي بتحبه ممكن في لحظة ما تلاقهوش. حتى الأمل؟ وقع من إيدك. وبقيت عايش بخوف دفين… خوف إن الأيام تاخد منك حاجة تانية، حد تاني، حلم تاني، راحة تانية. علشان كده بقت النصيحة غالية: ما تتعلقش بحاجات مصيرها في لحظة تتفلت منك. خليك ماسك في اللي بيدوم… في اللي مش بيتغير… في اللي وجوده بيطمنك إن الفقد مش هو آخر القصة. وأعظم ما في السما مش مجرد إن ربنا يرجّع اللي ضاع… لكن إنه يديهولك بلا نهاية، ويثبّته… ويطمن قلبك إن هنا مفيش فقد تاني، ولا وجع، ولا فراق. هناك… اللي ضاع يرجع، واللي رجع مايروحش تاني. 
|
 |
|
العرض العادي
