مش مهم إنت شايف إيه المهم مين اللي بيدعوك ♥️

[walaa farouk]

ليه الكتاب يقول: «وخرج إبراهيم
وهو لا يعلم أين يأتي» مش «يذهب»!
الكتاب ما قالش إن إبراهيم "ذهب"
من غير ما يعرف رايح فين
وكأنه ماشي في الفراغ أو بيجرب حظه
لكن قال: «لا يعلم أين يأتي»
ودي مش بس اختلاف لفظ دي إعلان لاهوتي ضخم
= يذهب = رحلة عشوائية… إنسان ماشي وخلاص
= يأتي = وصول لمكان معين
هدف موجود مكان الله عارفه ومستنيه هناك
إبراهيم ماكنش تايه
مكنش بيتحرك من غير رؤية
وماكانش بيهرب من مسؤولية التفكير
إبراهيم كان بيتحرك في اتجاه مجهول عنده
لكن معلوم تماما عند الله.
كانت الرحلة مش خروج بلا هدف لكن خروج نحو وعد
خطوة في طاعة بتفتح الباب للخطوة اللي بعدها
واثق إن اللي دعاه قادر يقوده…
وإن المكان اللي هيوصل له مش اختراع منه لكن إعداد من الرب نفسه
وهنا القوة:
الله ما طلبش من إبراهيم يعرف الطريق
طلب بس يثق في اللي عارف النهاية
مش مهم إنت شايف إيه المهم مين اللي بيدعوك ♥️

[لمسة يسوع]

الله ما طلبش من إبراهيم يعرف الطريق
طلب بس يثق في اللي عارف النهاية
مش مهم إنت شايف إيه المهم مين اللي بيدعوك

ربنا بباركك