|
 |
 |
 |
|
رقم المشاركة : ( 1 )
02 - 12 - 2025, 09:36 PM
|
|||||||||||
|
|||||||||||
|
يمكن تكون بتصلي بقالك سنين.. ودموعك نشفت. . وصوتك ضعف.. وتحس إن السما ساكتة.. ولا كلمة.. ولا لمسة. يمكن تفتكر إنك بقيت على هامش المشهد.. وإن طلباتك بترجع فاضية.. وإن اللي بتقوله في صلاتك ماعدّاش حتى للباب. بس الحقيقة.. إن مافيش صلاة بترجع من غير أثر. مافيش تنهيدة ماوصلتش. ومافيش رجاء اتساب مرمي قدّام عرش ربنا واتنسى. هو إله مابيقدمش حلول مستعجلة .. لكنه إله بيقدم المعجزة في ملئ الزمان. إله يسيبك لحظة تتشكل.. تتنقى.. تتقوى.. زي المفلوج اللي قعد تمانية وتلاتين سنة. . سنة ورا سنة.. وهو فاكر إن الدور عمره ما هييجي. لكن جه اليوم اللي فيه المسيح وقف قدامه. . لا استأذن.. ولا أخّر.. ولا تجاهل.. قاله كلمة واحدة مسحت كل السنين: «قم.. احمل سريرك وامشِ». ماهوّش نسيان.. ولا إهمال.. ولا تأخير بلا معنى. ده توقيت ربنا.. توقيت بيتبني على حسب ضعفك. . واحتياجك.. وعلى حسب الخير اللي هو شايفه لك. اصبر.. من فضلك اصبر. 
|
 |
|
| قد تكون مهتم بالمواضيع التالية ايضاً |
| الموضوع |
| بيتصرف زى مابعت حلول زمان هيبعت حلول النهاردة |
| صلاة مستعجلة |
| صلاة مستعجلة |
| مش مستعجلة |
| مش مستعجلة |
العرض العادي
