إلهي الحي سندي في الزحمة

[walaa farouk]

يا رب، كتير قوي اللي بيحاربوني… واللي بيحاولوا يوقعوني.
ناس بتكتر، وكأن كل واحد فيهم جاي يحملني وجع جديد.
بس في وسط الهجوم ده كله، عيني بتدور عليك.
لأنك أنت الوحيد اللي لما أصرخلك… بترد.
اللي لما أهربلك… بتفتح حضنك.
اللي حواليا شايفين إني واقع، لكنك شايفني بقوم.
شايفين إن معركتي خسرانة، لكنك بتجهزلي نصر.
يا رب، حتى لو كتروا عليّ، انت وحدك كفاية.
كلمة منك تطمن قلبي،
ونظرة منك تخليني أعدّي.
إلهي الحي، سندي في الزحمة،
وحصني لما يضيق بيا العالم.