أصدق لحظة حب

[walaa farouk]

أصدق لحظة حب مش هي الكلمة الحلوة،
ولا الهدية الغالية،
ولا حتى الوعود اللي بتتقال وقت الفرح.
أصدق لحظة حب؟
لما تلاقي حد بيجيلك في عز وجعك…
يسندك من غير ما تمد إيدك،
ويطبطب على روحك من غير ما تشتكي،
ويفهمك من غير ما تشرح.
المحبة الحقيقية مش صوت عالي،
هي حضور هادي، ثابت،
حضور بيقولك: “أنا جنبك حتى لو ما طلبتش”.
السند اللي بيجي من غير دعوة،
هو ده المحبة اللي ربنا نفسه علمهالنا.