الحب يا أبيض يا أسود

[walaa farouk]

الحب يا أبيض يا أسود
… مفيش فيه منطقة رمادية
، مفيش فيه “يمكن” و”مش متأكد”
و”مش عارف مشاعري فين بالظبط.”
الحب يا معاك يا مش معاك، يا قلبه ثابت وباقي عليك،
يا متردد وراجع خطوة كل ما تقرب.

المتردد في حبه ليك، بلاش منه.
لأن اللي بيفكر ألف مرة قبل ما يختارك
، هيجي يوم ومش هيفكر قبل ما يسيبك.
واللي مش قادر يحسم مشاعره النهاردة
، هيكون أصعب عليه يحسم قراراته بكرة.

الحب اختيار، اختيار كامل مش نص نص
. ولو لقيت حد لسه بيفكر، سيبه يفكر بعيد عنك
، لإنك تستاهل حد عارف قيمتك من غير ما يحتاج وقت يفكر فيها.