اللي عندك مبيضعش مبيروحش

[walaa farouk]

كل مرة بحس اني بعدت عنك بفضل اقول ينفع صلوات زمان تشفعلي دلوقتي؟ تحفظني، تشيلني وتنتشلني دلوقتي؟
الصلوات ، الرسايل والجوابات الدموع (اللي متشالة عندك)
اللي مستجبتش،
كل تفاصيل زمان ينفع تلتمسلي جزء من رحمتك وقبولك ليا دلوقتي ..
كل مرة بقف قدام السؤال دا بقول
ان اللي عندك مبيضعش مبيروحش
(عايزة افضل دايماً لازقة فيك حتي لو مش بعرف اعمل دا )
كل الأوقات المليانة توهان، قلق، عدم فهم او وعي كامل؛
ممكن تكون صلوات زمان سبب انها تسندني دلوقتي!

مش داود صلي وقالك:
"تَيَهَانِي رَاقَبْتَ. ٱجْعَلْ أَنْتَ دُمُوعِي فِي زِقِّكَ.
أَمَا هِيَ فِي سِفْرِكَ؟"(مز 56: 8).