23 - 08 - 2024, 11:56 AM
|
|
|
|
..::| الإدارة العامة |::..
|
|
|
|
|
|
السؤال يمكن يكون غريب شوية،
يعني ممكن أفكر في حاجة حصلت قدامي وشوفتها،
لكن أفكر في ليه فكرت في كده
زي ما احنا عارفين أن ورا تصرفاتي وقراراتي
والنظرة اللي بقيم بيها الأمور كل ده بيدخل فيه
مجموعة أفكار ومعتقدات أنا كونتها
واتبنتها اسمها النظرة الحياتية
ودي ممكن تكون بوعي مني أو من غير وعي
اتغرست جوايا، جايز تكون صح أو غلط أو في النص
لو عاوز أعرف نفسي، هدخل في اعماقها،
مش هعدي المواقف كده، هفكر في اللي بعمله
وليه عملته، هفكر في الإجابات اللي جاوبت بيها،
منين اتبنتها ولحد فين هي صح ولا غلط،
وإيه المقياس اللي يحددلي الصح من الغلط،
من الآخر متسمحش لأفكارك تقودك
من غير ماتكون واعي بيها .
في فيلسوف اسمه جيمس ساير قال كده
(السؤال الأهم مش في ماذا نفكر ولكن كيف نفكر)
|
