|
 |
 |
 |
|
رقم المشاركة : ( 1 )
21 - 08 - 2024, 01:27 PM
|
|||||||||||
|
|||||||||||
 المعنى الحقيقى لكلمة نصيب .. واحد صحبى كان راكب قطر وراكبه جنبه بنت ، المهم هو أُعجب جداً بالبنت دى وفضل باصص عليها لغاية ما وصل محطته ومن حُسن حظه البنت نزلت معاه فى المحطه بتاعته .. لحظتها قرر انه لازم يعرف هى ساكنه فين ويسأل عليها وعلى أهلها ولو كويسين هايتقدملها .. بالفعل مشى وراها من بعيد لغاية ما عرف بيتها ، ولجل حظه ، الشارع اللى ساكنه فيه البنت طلع ساكن فيه واحد قريبه .. فا سال عليها قريبه والراجل شكرله فيها جامد وفى عيلتها وناس كويسين جداً .. صاحبنا ده ماكدبش خبر وخد رقم تليفون ابوها وكلمه وحدد ميعاد معاه .. قام واخد ابوه وامه وقريبه جار البنت ، ومعاهم علبة جاتوه من الغالى 😇.... وراحوا لبيت العروسه وقعدوا .. وسط القعده صاحبنا ده مال على قريبه وقاله.. - هى فين العروسه ؟؟ - 😳😳 سلامة الشوف ياولدى مالعروسه قاعده اهى قدامك .. - 😲😲 ، مش هى دى ،انا قصدى على واحده تانى دخلت البيت هنا .. راح صاحبنا قرب شويه من العروسه وقالها بصوت واطى وكأنه بيترجاها .. هو انتى ماعندكيش اخوات بنات ؟؟🥺 البنت استغربت السؤال 🤨بس ردت عليه بكسوف وقالتله لا انا وحيده ☺️.. الواد وشه قلب الوان☹️😰 واتلغبط وحالته بقيت حاله .. المهم قعدوا قعدتهم ونزلوا وهم على باب البيت تحت ، وإذ فجأةً قابلوا البنت اللى شافها صاحبنا فى القطر ، اول ما شافها مسك فى قريبه وقاله هى دى اللى انا اقصدها😍 .. ضحك قريبه وقاله .. دى متجوزه وعندها عيال فى طولك 😂😂.. وعدت الشهور وصاحبنا ده اتجوز البنت اللى راحلها بالغلط بعد ما اتعرفوا على بعض كويس وشاف فيها مميزات كان بيدور عليها من زمان ، وهو يحكيلى دلوقتى بيوصفلى قد ايه مبسوط معاها جداً .. عزيزى القارىء ثق تماماً فى خطة ربنا ليك 😇 
|
 |
|
العرض العادي
