|
 |
 |
 |
|
رقم المشاركة : ( 1 )
27 - 07 - 2024, 11:33 PM
|
|||||||||||
|
|||||||||||
 النهاردة كنت بقرأ مزمور 90 ( في الكتاب المقدس ) مكتوب في بداية المزمور " صلاة لموسي رَجُل الله " المزمور بيتكلم عن العمر والزمن والوقت واتكررت فيه كلمات كتير ليها علاقة بالوقت ( أيام ، سنين ، المساء ، سريعًا ، أمس ، الليل ) في آية 9 بيقول " أَفْنَيْنَا سِنِينَا كَقِصَّةٍ " العمر بيعّدي بسرعة قد وقت قصة بتتحكي .. بعدها يقول آية حقيقي كنز ! آية 12 “إِحْصَاءَ أَيَّامِنَا هَكَذَا عَلِّمْنَا فَنُؤْتَى قَلْبَ حِكْمَةٍ.” من المزمور دا ومن الآية دي تحديدًا ممكن نطلع ب أفضل نصيحة حقيقية و واقعية قادرة تغيّر كل منظور حياتنا ! الأيام بتعدي بسرعة ! ومش هتقدر ترجّع ولا دقيقة واحدة.. لو دلوقتي فكرت في سنين حياتك اللي عدت مهما كان عددها هتحس إنها عدت كأنها أيام أو لحظات ، لكن السؤال الأهم.. طيب و الوقت اللي جاي ؟ حابب تعيشه ازاي ؟ بتكرر نفس الغلطات ؟ بتختار نفس الإختيارات الغلط ؟ بتضيّع وقت غالي من حياتك بنفس الطريقة ؟ مكمل في طباع صعبة بتأذيك وبتأذي اللي حواليك ؟ أنا أول واحدة هجاوب وأقول لأ ، عايزة اللي جاي يكون مختلف أكيد .. وأعتقد دي هتكون إجابة الأغلبية.. مهما كانت الفصول اللي اتكتبت خلاص في قصتك واللي بتحسسك إنك " أفنيت سنينك ك قصة " لسة فيه فصول تانية بتتكتب كل يوم في حياتك .. متضيعهاش لأن الجزء اللي لسة بيتكتب يستاهل تطلب ( قلب حكمة ) تعيشه بيه ❤️ علّمنا فنؤتيَ قلب حكمة.. 
|
 |
|
العرض العادي
