|
 |
 |
 |
|
رقم المشاركة : ( 1 )
05 - 04 - 2024, 07:02 PM
|
|||||||||||
|
|||||||||||
 وأنا بادوّر على معنى كلمة (صادق أو مخلص sincere) اللي تعني في أصلها اللاتيني (بدون شمع) معناها راجع لحاحة كانوا بيعملوها زمان الناس اللي بيشتغلوا في الأوعية الفخارية.. كانوا بيحطوا شمع للإناء اللي فيه كسور علشان يسدوا الشقوق اللي فيه وبعد كده يدهنوا الإناء بشكل جميل علشان يداري على الشمع المحطوط.. طبعا مش كلهم كانوا بيعملوا كده. . شوية منهم اللي ضميرهم مش مظبوط.. الحركة دي بتعكس عدم مصداقيتهم.. وعدم إخلاصهم للمهنة بتاعتهم.. لأ الأهم عندهم هو المكسب بس.. ومن هنا جات كلمة sincere - صادق أو مخلص (بدون شمع) وأنا بتأمل في المعنى ده كلّمت نفسي. . إيه الأجزاء اللي في حياتي اللي تبان شكلها جميل ولطيف وهي في أصلها مليانة شمع.. إيه الشقوق والكسور العميقة اللي بدل ما أعالجها بشكل صحيح. . غذيتها بشمع وطلتها بدهان علشان تبان جميلة وهي في حقيقتها عفنة وكريهة.. طب يا رب إيه اللي ينفع في الحالة دي؟ هل هتكسر الإناء كله وتظبطه وده مرعب بالنسبالي ولا هتفتح الحتت المشققة وتكسرها وتشيل الشمع وتلحمها بطينة تانية ولا إيه اللي هينفع معايا؟ أنا عارف إنه يهمك أكون حقيقي وصادق ومخلص ومش فارق معاك الشكل الجميل والأسلوب المعسّل. بس من فضلك لما تختار الطريقة اللي هتعالج بيها شقوقي إشرحهالي وساعدني أقبلها وأخضع ليها.. 🙏🙏 إله_كل_نعمة بدون_شمع 
|
 |
|
العرض العادي
