21 - 03 - 2024, 10:01 PM
|
|
|
|
..::| الإدارة العامة |::..
|
|
|
|
|
|
كام مرة حسيت انك بتتحرك في علاقتك بربنا
بنفس بطئ حركة السلحفاة؟🐢 كتير؟ مش لوحدك!
أغلبنا بنبقى حاطين طموح وتوقع كبير للي بنحلم نوصل له في العلاقة مع ربنا
ونفسنا نوصل له بأسرع وقت ممكن .. وبعد وقت ومجهود ومعافرة .
. تيجي تحسبها تلاقي نفسك يادوب مشيت خطوتين لقدام ..
بس الاستمرار هو اللي هايخليك تكمل لقدام لحد ماتوصل للهدف اللي انت محدده .
. مش السرعة .. وبرغم كدة .. هايجي عليك وقت هتلاقي ربنا بيكرم اصرارك واجتهادك في العلاقة معاه
.. وتلاقي نفسك فجأة .. طلعتلك جناحات .. فتبقى انت بنفس امكانياتك ونفس قدراتك
.. اللي شبه السلحفاة .. طلعتلك جناحات .. فتبقى سلحفاة بتطير 😀 ..
وده اللي بيعمله الروح القدس لما بيشيلك بضعفك وتعبك ويرفعك
وينقلك لحتة ماكنتش تعرف تروحلها لوحدك ولا بالسرعة دي
ولا في الوقت ده .. أيوة .. الروح القدس قصاد أمانتك واجتهادك هايخليك سلحفاة بتطير .
. اهم حاجة تكمل .. وتنتظر الرب يعينك .
. الكتاب المقدس بيقول عن المنتظرين الرب (إشعياء ٤٠ : ٣١)
انهم بيجددوا قوة .. وبيرفعوا جناحات🪽
.. استنى .. هاتطير 🦅
|
