|
 |
 |
 |
|
رقم المشاركة : ( 1 )
18 - 03 - 2024, 06:09 PM
|
|||||||||||
|
|||||||||||
 من كام يوم كنت باشترى حاجات من ماركت وعند الكاشير فوجئت أن الفيزا مش ف المحفظة ...دورت كتير مافيش... دفعت كاش ومشيت وأنا محتار راحت فين؟؟ بدأت أدور في كل مكان، في البيت والعربية والمحفظة تاني وهدومي، وكل مكان مافيش.. بدأت أرجع لكل الأماكن اللي اتعاملت معاها الأيام اللي فاتت يمكن نسيتها هناك .. مافيش برضه.. وكل شوية القلق يكبر جوايّ والخنقة.. بدأت أسال أصحابي اللي اتحركت معاهم الأيام اللي فاتت. . كل واحد اسأله، فلان ماتفتكرش لما كنا مع بعض أنا اشتريت بالفيزا ولا فلوس؟؟؟ برضه مافيش حل، والمشكلة أني عشان أقدم طلب بدل فاقد بياخد وقت وإجراءات كتير ده غير خطورة استخدام حد ليها لو لقاها😥😥 وبعد حيرة لأكثر من أربعة أيام... وأنا باجهز للنزول باحط إيدي في جيب القميص..لقيتها.. .فرحت أوى أوى وشكرت ربنا بجد... بس وقت ما كانت ضايعة مني كنت محتار..وبسأل نفسى؟؟ هو أنا ينفع أصلي لربنا فى حاجة صغيرة كده؟؟ ولا عيب؟؟ ولا هو بتاع المشاكل الكبيرة بس؟؟ الصراحه كنت مكسوف أصلي صلاة صلاة زي دي.. بس افتكرت وقتها الآية الحلوة المشجعة اللي بتقول (لأَنَّ أَبَاكُمْ يَعْلَمُ مَا تَحْتَاجُونَ إِلَيْهِ قَبْلَ أَنْ تَسْأَلُوهُ) (متى ٦: ٨) تصدق... أصغر طلبة ليك ينفع تطلبها منه تصدق .. أنه عارف كل اللي أنت محتاج ليه حتى قبل ما تطلبه منه؟؟ بس أنت تصدق في دا بجد.. 
|
 |
|
| قد تكون مهتم بالمواضيع التالية ايضاً |
| الموضوع |
| أحلى طلبة تطلبها من ربنا في السنة الجديدة |
| بطلبها منك يارب لا تحوجنى لحد |
| احلى طلبة تطلبها من ربنا |
| هذه الثلاثة تطلبها من الله |
| الله أعطاك أشياء دون ان تطلبها |
العرض العادي
