تعالوا نتعلم أحنا كمان زي يعقوب

[walaa farouk]

"وصلنا لإصحاح 46 واللي فيه بنشوف أن يعقوب قرر ينزل مصر🤩
بنقرا أنه يعقوب ارتحل لبئر سبع وهناك ذبح للرب
وبعدها بنشوف الرب بيظهر ليه ويقوله كدا: «أَنَا اللهُ، إِلهُ أَبِيكَ.
لاَ تَخَفْ مِنَ النُّزُولِ إِلَى مِصْرَ، لأَنِّي أَجْعَلُكَ أُمَّةً عَظِيمَةً هُنَاكَ.
أَنَا أَنْزِلُ مَعَكَ إِلَى مِصْرَ، وَأَنَا أُصْعِدُكَ أَيْضًا. وَيَضَعُ يُوسُفُ يَدَهُ عَلَى عَيْنَيْكَ» (تك 46: 3، 4)
يعقوب اللي كان بيتحرك من دماغه ومفيش حاجه بتقف قدامه
واضح من كلام الرب أنه المرة دي كان خايف ينزل مصر،
مع إن المرة ديه أكثر مرة المفروض مايفكرش ويتحرك بسرعة علشان هيشوف يوسف🤷‍♂️.
لكن يعقوب كان فهم الدرس، فهم أنه ماينفعش يتحرك غير في المكان اللي الرب عايزه،
ماينفعش يفكر ويخطط من دماغه لكن لازم يسأل الله الأول👌🏻.
والرب في أمانته ومحبته ظهر ليه وطمنه وقاله أنه هيكون معاه😇.
مش بس كدا لكن بعدها الكتاب يقولنا عن يعقوب:
""فَقَامَ يَعْقُوبُ مِنْ بِئْرِ سَبْعٍ، وَحَمَلَ بَنُو إِسْرَائِيلَ يَعْقُوبَ أَبَاهُمْ
وَأَوْلاَدَهُمْ وَنِسَاءَهُمْ فِي الْعَجَلاَتِ الَّتِي أَرْسَلَ فِرْعَوْنُ لِحَمْلِهِ"" (تكوين 46: 5)
يعقوب اللي قبل كدا ساوم الله لما ظهرله وهو رايح عند لابان وقاله
لو فعلا كنت معايا وادتني أكل ولبس هاتكون إلهي، المرة دي ماعملش كدا،
أصله شاف وفهم صلاح الله، وعرف كويس إن الله بينفذ كل كلامه بالحرف
ومش ممكن أبداً تسقط كلمة من وعوده😍
تعالوا نتعلم أحنا كمان زي يعقوب، نتعلم من ظروفنا والمواقف
اللي اتحطينا فيها وشوفنا إيد وصلاح وأمانه الله معانا
وإنه ولا مره سابنا نتخبط لكن كان أمين في طوول السكة
، نتعلم أننا نثق فيه وفي كلامه أكثر ونتأكد أن اللي وعد هو أمين🙏🏼"