| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
16 - 01 - 2024, 10:21 AM
|
||||
|
||||
|
حوار صحفى مع نجمة عيد الميلاد ممكن تعملوه للاطفال فى مدارس الاحد فى حفلة العيد  لقاء مع نجمة الميلاد ---------------------- الصحفي : أهلا بيكم معانا في برنامجنا بنرحب بيكم وكمان بنرحب معانا بضيفة جديدة ... تعالوا نتعرف عليها النجمة : أنا نجمة الميلاد الصحفي : أهلا بيكي معانا ... ممكن تكلمينا عن نفسك شوية النجمة : أنا نجمة بس مش زي أي نجمة الصحفي : إزاي ؟؟؟ النجمة : أصل أنا ظهرت في وقت عجيب وكمان كنت إشارة لحدث كبير الصحفي : وقت عجيب ؟ و حدث كبير ؟؟؟ أنا مش فاهم حاجة خالص !!! ممكن توضحلنا اكتر وبالتفصيل النجمة : أحكيلك القصة كلها .. . أنا ظهرت زماااااان زمان خالص لناس من علماء الفلك وكنت نجمة مختلفة ... عارف ظهرت إمتى ؟ ظهرت أيام ولادة الرب يسوع الصحفي : طب وكان ايه معنى ظهورك للناس دول ؟ النجمة : ده كان إشارة انه فيه ملك عظيم إتولد الصحفي : ويا ترى هما كانوا عارفين مين هو الملك ده ؟؟ النجمة : لا مكانوش عارفين ... بس هما كانوا مشتاقين اوي يعرفوا هو مين وكمان جهزوا له هدايا عشان يروحوا يسجدوا له الصحفي : طب مش انتي بتقولي هما مكنوش يعرفوا مين هو الملك ؟ ازاي راحوا له؟؟؟ النجمة : ماهو انا مسبتهمش . .. فضلت ماشية قدامهم لحـــــــد ما وصلتهم للمكان اللي اتولد فيه الملك العظيم الصحفي : اااااااه واكيد المكان ده كان قصر كبير ومالوش مثيل النجمة : لا لا لا ... هما كمان افتكروا انه الملك ده اتولد في قصر هيرودس وبسرعة جريوا على أورشليم ، بس الملك العظيم ماتولدتش في قصر هيرودس الصحفي : بصراحة إنتي حيرتينا معاكي !!! امال اتولد فين ؟؟؟ النجمة : اتولد في مكان بسيط خالص ... اتولد في مزود للبقر الصحفي : ممكن تقوليلنا مين هو الملك ده ؟؟؟ النجمة : ده مش بس ملك .. ده ملك الملوك ورب الأرباب ... ده الرب يسوع الصحفي :ياه. الرب يسوع بكل مجده وعظمته يرضى يتولد في كان زي ده ؟؟؟ النجمة : أيوه ... شفت اد إيه هو كان متواضع الصحفي : ويا ترى الناس دول قدموله ايه هدايا ؟؟؟ النجمة : قدموله : ذهب و لبان ومر الصحفي : إحنا اتشرفنا خالص بالمقابله معاكي يا نجمة ... تحبي تقولي لضيوفنا حاجة قبل ما ننهي البرنامج ؟؟؟ النجمة : أيوه أحب اقولهم حاجتين ممكن ؟؟ الصحفي : أكيد طبعا اتفضلي ... النجمة : أحب أقولهم إنت وإنتي كمان ممكن تكونوا زيي مختلفين عارفين ازاي ؟؟؟ انك تروح وتقول لاصحابك أن يسوع جه ارضنا و أتولد في مكان بسيط عشان بيحبنا الحاجة التانيه اللي عايزه أقولكم عليها ... يا ترى هتقدمله ايه هدية انهارده ؟؟؟ عارفين ممكن تقدموله ايه ؟؟ قدمله قلبك وقول له تعال اسكن فيه ... آمين الصحفي : في نهاية برنامجنا بنشكر ضيفة النهارده وبنشكركم يا ضيوفنا الأعزاء ونشوفكم في حلقة تانية ... باي باي ❤️❤️❤️ 
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| حوار صحفي مع توما | walaa farouk | أفكار جديدة للخدمة | 0 | 06 - 05 - 2020 11:35 PM |
| هام جدا وحصريا حوار صحفى | marit jesus | قسم المواضيع المسيحية المتنوعة | 178 | 19 - 09 - 2017 08:51 PM |
| وزير خارجية قطر فقد عقله في حوار صحفي | Mary Naeem | قسم الأخبار العالمية والمحلية | 0 | 19 - 02 - 2015 10:16 AM |
| حوار صحفي من جهنم !!!! | كاتى | ركن أرشيف المواضيع | 5 | 05 - 08 - 2012 07:52 AM |
| حوار صحفى مع الحب | نونا بنت البابا | شبابيات الفرح المسيحى | 2 | 17 - 06 - 2012 12:52 PM |
العرض العادي
