ما تيجي تجرب تخليه يدخل سفينتك ويقود حياتك

[walaa farouk]

تفتكر لو الفرصة السنة دي راحت …هيبقي فيه امل ؟!
لو محققتش حاجة في حياتك الروحية
او الاجتماعية او او …… ربنا هيسيبك ؟!!

زمااااااااان وفي وقت باليل كدة بطرس خرج
علشان يصطاد …وطوووول جدا
... ورجع الصبح مش صائد اي حاجة ….ومحبط جدا جدا .

جاله المسيح وقاله «ابْعُدْ إِلَى الْعُمْقِ وَأَلْقُوا شِبَاكَكُمْ لِلصَّيْدِ». لوقا4:5
كان ممكن بطرس يرد عليه ويقوله انا شيخ صيادين وجربت كذا حاجة … أنت كمان هتقولي انا اعمل ايه ؟!!
او يقوله لا انا زهقت وتعبت ومش نازل تاني😔... انا فرهدت بصراحة ومفيش فايدة.
لكن بطرس كان واثق فيه جدا وقاله «عَلَى كَلِمَتِكَ أُلْقِي الشَّبَكَةَ».

وحصل اللي فوووووق الخياااااال
والشبكة كانت هتتقطع من كثر السمك 😍
✝️✝️✝️✝️
يا صديقي لما يكون المسيح في مركبك غير لما تكون لوحدك
في اية في اشعياء بتقول «اُطْلُبْ لِنَفْسِكَ آيَةً مِنَ الرَّبِّ إِلهِكَ. عَمِّقْ طَلَبَكَ ».

في نهاية سنة وبداية سنة جديدة
ادخل مع المسيح الي العمق ⁦❤️⁩

بطرس كان بيعاني من الفشل والمسيح دخل السفينة
و حول الفشل الي نجاح عظيم .

ما تيجي تجرب تخليه يدخل سفينتك ويقود حياتك 💞....