الست العدرا سبب خير للبشرية

[walaa farouk]

من يوم ما دخل حياتها ما شفتش يوم عدل!
حامل🤰🏽 وهي بنت ماتجوزتش في مجتمع شرقي😳
شككوا في نزاهتها وعفتها ولغاية النهاردا!
شعورها إنها مصدر قلق واحراج دائم
للقديس يوسف.. وهي مالهاش ذنب 🤦🏽‍♀️
اضطرت بدون لزمة -ظاهرية- تسافر من الناصرة
لبيت لحم تقريبا ١٤٠ كيلو متر
سافرت وهي حامل في الشهور الأخيرة
علشان تهرب من عيون الناس،
وطبعا شيلت همها للقديس يوسف 😟
هوووب هاتولد.. حضرتك هاتولدي
في زريبة خمس نجوم🙄 نشكر ربنا لاقينا مكان🤲
طيب والتعقيم والنظافة والميكروبات والفيروسات☣️
سيدنا الرب يسترها
طيب المولود دا ... هانلفه في إيه؟؟
مفيش سالوبيت لبني والكلام دا🎽
إللي موجود بواقي قماش قديم (أقمطة)
يمشي معاكي ياقديسة؟، يمشي بركة خير
- الست العدرا.. دخول يسوع المسيح لحياتها
كان حمل كبير وتعب وألم ومرار😒

الست العدرا.. اتحملت بهدلة كتير
بسبب "قبولها ✅️" هذا المولود!!
القديس يوسف.. الراجل الشرقي الأصيل،
شال غلب واحراج وكسوف
لكن 🚩
- الست العدرا.. إسمها على كل لسان، ومكان
- الست العدرا.. مُطوبة، مُباركة، مُنعم عليها
- الست العدرا.. داخل المشيئة والرضى الإلهيين
- الست العدرا.. سبب خير للبشرية
دخول الرب يسوع المسيح الحياة..
من جهة ألم وضيق مؤقت،
ومن جهة خلاص وفرح أبدي ❤