استكينوا .....إهدأوا {صباحك هدوء وسكينة}

[walaa farouk]

باصارع الايام دي في موضوع مخوفني 😱🤔.....
حاسة إن بقاله سنين والموضوع ده بالذات
مفيش حاجة بتتغير فيه ....🧐🫣
عمالة اروح و آجي في الصلاة .....
وعندى مشاعر إحباط بتقول ايه اللى ممكن يحصل بعد السنين
الطويلة دي .....🤷🏼‍♀️😲
حاسة إني كمان مش عارفة أطلع منه محصورة فيه ..صلاتي محورها الموضوع ده. مش عارفة أركز في حاجة تانية 😣....
لغاية ما ربنا كلمنى بالكلمات دى 🧏🏼
كُفُّوا وَٱعْلَمُوا أَنِّي أَنَا ٱللهُ. أَتَعَالَى بَيْنَ ٱلْأُمَمِ، أَتَعَالَى فِي ٱلْأَرْضِ.
اَلْمَزَامِيرُ 46:10
وفي ترجمة تانية بتقول اِهْدَأُوا وَاعْلَمُوا أَنِّي أَنَا اللهُ، الْعَلِيُّ بَيْنَ الْأُمَمِ
، الْعَلِيُّ فِي الْأَرْضِ.

كفوا (استكينوا .....إهدأوا)....😇😔
على كل موجة بتسلم موجة في حياتي بأقرر أهدأ....
على كل مشهد مش بيتغير في حياتى بقرر أستكين ........
أسكن في أمان لأني طفلتك المدللة...
يدك الحانية تأتي على كل ثورة ...على كل علامة إستفهام.....
أستكين لأنك بابا لأنك متعالي بين الأمم .متعالي فى الأرض 🌍
صباحك هدوء وسكينة ....