ساعدنا ندّيك الغالي علشان إنت الأغلى والأهم

[walaa farouk]

الكتاب المقدّس بيحكلنا عن مريم اللي جابت عطر غالي جدًا، اسمه "ناردين"، تمنه وقتها كان 300 دينار، وده مبلغ ضخم جدًا،
وسكبته على رجلين المسيح.

كتير من اليهود كانوا متعوّدين يشتروا أنواع
مش أصليّة من العطور،
لكن الكتاب بيقول لنا إنه كان عطر خام يعني أصلي.
مريم طبّقت الآية اللي قالها يسوع في إنجيل متى:
"لأنه حيث يكون كنزك هناك يكون قلبك أيضًا."
لأنّها بتحبّ يسوع جدًا إدتّه أغلى حاجة.
يا ربّ ساعدنا ندّيك الغالي علشان إنت الأغلى والأهم.