جدعون (لان الرب امر)

[walaa farouk]

أغرب حروب العهد القديم هي حرب جدعون ضد المديانيين.
الغريب مش خوف جدعون في الأول،
لكن هو تحديد الرب لعدد الجيش القليل جداً مقارنة بالجيش
اللي ضدّهم. 300 جندي ضد 135000
جندي، ايوه قريت العدد صح.
يمكن بالمنطق البشري النتيجة محسومة ضدّ جدعون،
لكن الله كان له رأي تاني.

يحكي كده الكتاب عن جدعون في قضاة ٧: "قد دفع الله إلى يده المديانيين وكلّ الجيش."
وكان هو ده سرّ النصر في الحرب، لا شطارة جدعون، ولا عدد جيشه الضخم، ولا حتى تدريبات جنوده. السر ببساطة أن الرب قرّر أن الحرب دي محسومة لصالحه، مهما كان العدو اللي قدّامه، وحجم الجيش إيه.

وما أكتر الحروب اللي في حياتنا اللي أصلًأ محسومة بكلام الرب،
بس إحنا من خوفنا مش عايزين نتحرّك فيها، حرب مخاوف، أفكار، صراعات داخلية. أراضي كتير ربنا مستنيك تتحرّك بالإيمان وتمتلكها. صدّقني النصرة محسومة، مش لشطارتك، لكن لأن الربّ أمر بكده.