12 - 08 - 2022, 12:33 PM
|
|
|
|
..::| الإدارة العامة |::..
|
|
|
|
|
|
صديقتي كانت راجعة من شغلها وحست كده أن ربنا عايزها تمشي من طريق تاني غير اللي متعوده عليه🤷🏻♀️
المهم لقت في طريقها ست بتبيع مناديل 🧕🏽
حست كده أن قلبها واخدها ناحيتها..
قالتلها كلمتين بس "أنت كويسة؟"
الست بكت🥺
قالتلها: "أنا ليا بنت مريضة بمرض عقلي وفي مستشفى
.. بنتي نفسها في فرخة.."
مدت صديقتي ايدها في جيبها وكان كل اللي معاها ٣٥ جنيه
(كانوا ساعتها يجيبوا الفرخه)..
الست كانت كأنها لقت كنز 🥲
وقعدت تبكي أكتر وتشكر ربنا وتدعي لصديقتي♥️
صديقتي دي كانت بسيطة أوي ودخلها قليل ..
بس كنت بلاحظ حاجة بيتها دايما مليان بالبركة 🥰
عمرها ما احتاجت وبيتها دايما فيه خير ودفا😍
افتكرت الكلمات دي
مَنْ يُعطي الفَقيرَ لا يَحتاجُ، ولِمَنْ يَحجِبُ عنهُ عَينَيهِ لَعَناتٌ كثيرَةٌ.
أمثالٌ 28 :27
|
