|
 |
 |
 |
|
رقم المشاركة : ( 1 )
22 - 06 - 2022, 10:24 PM
|
|||||||||||
|
|||||||||||
 قد إيه بيكون صعب إنك تستمر طول حياتك تتقابل بشخصيات صعبة ومريضة وإنتهازية.. يوسف من اكتر الشخصيات اللي حصل معاه كده.. باشوف من أسوأ الشخصيات اللي قابلها كانت إمرأة فوطيفار.. في رأيي هي أسوأ من إخواته اللي باعوه.. لأنها كانت عايزة تستغله في إشباع شهوتها.. فهتخليه شريك معاها في الشر.. ومش بس هيكون ضحية زي ماحصل مع إخواته.. بالإضافة للخطة اللئيمة اللي نفذتها.. دخل يوسف المسكين للسجن ظلم.. وفين وفين علشان يطلع منه.. ويمكن وقتها كان بيكلم نفسه وحزين على اللي بيحصله.. لكن يقول الوحي المقدس: (وَلكِنَّ الرَّبَّ كَانَ مَعَ يُوسُفَ، وَبَسَطَ إِلَيْهِ لُطْفًا، وَجَعَلَ نِعْمَةً لَهُ فِي عَيْنَيْ رَئِيسِ بَيْتِ السِّجْنِ.) 😍 تك39: 21 ياه على الإله الرائع.. وياه على جمال وروعة التعبير (بسط إليه لطفًا..) 💟 أهو اللطف ده هو اللي خلاه قدر يكمل.. النعمة اللي إدهاله في عنين رئيس السجن هي شدته وقوت عزيمته.. باشجع نفسي وباشجعك وإحنا بنحكي على لطف الله ونعمته.. أيوه الظروف صعبة.. أيوه المضايقات كتيرة.. أيوه الظلم زاد واستشرى.. لكن فيه: لطف الله ناحيتك.. فيه النعمة اللي بترافق وتنور الحياة.. في كل وقت بنحتاج نقوله: إبسط لطفك لينا يارب.. خلينا نتملي نعمة علشان نقدر نكمل في وسط عالم صعب وشرير.. #بسط_إليه_لطفًا 🙏🤲🏻 
|
 |
|
العرض العادي
