ونحو الهزيع الرابع اتاهم

[walaa farouk]

ابني الصغير بيحتاج أعيد له شوية قواعد في اللغة وأنا باذاكرله..
كل مرة أبدا من الاول وافكره ويلخبط 🙈
وعمري ما تعبت أو زعلت اني بأفضل اكرر الدرس،
بس يوم لما بيحل صح بازغرط واعمل فرح لأنه المعلومة ثبتت💃🏻💃🏻
ده نفس اللي عمله الرب مع التلاميذ، قعد يعلمهم ويفهمهم ويفسر ليهم كمان الأمثال.. بعدها حب يعمل لهم تطبيق عملي.
. وقت الامتحان مافتكروش تعليمه وخافوا في وسط البحر الهايج😔🌊💨🌩️⛈️..

طبعا يسوع موجود ونجاهم وأمر البحر يسكت والرياح تهدا.
. لكن هو كان غرضه يعلم تلاميذه فرجع تانى يعلمهم ويعيد عليهم الدرس وكمل الدرس النظري، وسمح لهم يدخلوا تجربة تاني في وسط البحر عشان يتأكد أنهم اتعلموا، تجربة اصعب المرة دى عشان هو مكانش معاهم جوه السفينة لكنه جالهم في وسط المية حتى لو اخر الليل..

النهاردة لو حاسس ان التجربة بتتكرر وفيها صعوبة،اطمن يسوع عايز يقولك انا عيني عليك.. انا معاك، موجود في المشهد
، وهاتدخل في الوقت المناسب
.. وَنَحْوَ الْهَزِيعِ الرَّابِعِ مِنَ اللَّيْلِ أَتَاهُمْ مَاشِيًا عَلَى الْبَحْرِ
(مرقس ٦: ٤٨)
يومكم جميل لأن عينه علينا…💜