يعقوب الضعيف وامانه الله معه

[walaa farouk]

حياة يعقوب قريبة أوي لحياتنا،
فيها ضعف وفيها أخطاء وعيوب، فيها حب للعالم،
لكن كمان فيها "نعمة الله"،
وفيها المحبة الغير المشروطة من الله لنا،
وبنشوف إزاي الله بيستخدم الضعفاء ليُعلن قوة مجده واقتداره .
برغم كل ضعف يعقوب وعيوبه الله كان أمين معاه للنهاية،
وبنشوف إزاي اتغير من الضعف للقوة..

يمكن مش بنعرف نذكر عن يعقوب إنه شجاع
أو حكيم زي باقي شخصيات الأسفار الخمسة،
لكن كمان رغم ده بنشوف إزاي الله قد وعوده رغم ضعفنا وإزاي الله بيعطي اسم جديد وحياة جديدة وقلب جديد للحقيقي اللي طالبه،

يعقوب في وقت من حياته كان بيتحرك بفهمه وبدماغه وبرأيه وبيعتمد فيه على نفسه وعلى جسده وعلى أمه وحصل التغيير في لقاءه مع الله ومافضلش يسمع نفسه وبس والله باركه لما جاهد يعقوب وصمم على اللي عايزه وبقى من يعقوب لرجل الله اللي عينه على ربنا اللي بيعتمد على ربنا.

ساعات بنشوف نفسنا مالناش أهمية أو أقل من اللي حوالينا،
ومش تحت الأضواء ومش بنعمل أعمال عظيمة لربنا،
لكن لما بنبص على يعقوب بنفهم إزاي الله بيستخدمنا في تحقيق مشيئته،
وإنه مش بيشوفنا زي الناس ما بتشوفنا،
صلي بلجاجة واطلب ربنا وضع كل ضعفك قدامه..
يعقوب ماعملش أعمال بطولية بس الله كان رفيق حقيقي ليه لدرجة إنه يعقوب بارك الأسباط الاثنى عشر، اتبارك يعقوب وبارك كمان اللي حواليه..

"وَلكِنِ الآنَ يَبْتَغُونَ وَطَنًا أَفْضَلَ، أَيْ سَمَاوِيًّا. لِذلِكَ لاَ يَسْتَحِي بِهِمِ اللهُ أَنْ يُدْعَى إِلهَهُمْ، لأَنَّهُ أَعَدَّ لَهُمْ مَدِينَةً." (عب 11: 16).