لكل يوم زوّادة: ولا مرّة تحكموا على المظاهر : 13 / 1 / 2022 /

[souad jaalouk]

لكل يوم زوّادة: ولا مرّة تحكموا على المظاهر

بيخبرو عن شب فات عا محل بدّو يشتري تياب. وصل لحدّو صاحب المحل و قلّو هيدا محل غالي و مبيّن عليك ما معك مصاري روح من هون ما تضيّعلي وقتي نحنا بس المشاهير بيشترو من عنّا. بقي الشبّ يتفرّج عالإشيا المعروضة. شوي بيفوت زلمي شكلو بيوحي انّو غني بيستقبلو صاحب المحل بإبتسامة و بيصير يهتم فيه بالآخر لمّا وصل عالدفع طلع ما معو مصاري تكفّي و فلّ! بهالوقت بيسمع صاحب المحل ضجّة بيركض يشوف شو في بيلاقي اكتر من 50 شخص واقفين حدّ اوّل شبّ اجا و عم يتسابقو يتصوّرو معو استغرب و سألن ليش هلقدّ مهتمّين فيه. واحد قلّو: معقول ما بتعرفو هيدا اهم لعّيب فوتبول بالبلد! التاني قال: كيف ما بتعرفو للميليونير صُوَرو بالمجلّات! صار بدّو يصلّح تصرّفو معو و سألو اذا عجبو شي من الفيترين حتّى يساعدو بس الشبّ فلّ بلا ما يحكي و لا كلمة... و لا مرّة تحكمو عالمظاهر، الناس مش بتيابها و لا بسيّارتها و لا ببيتها...الناس بقلبها و بأخلاقها...

[walaa farouk]

ميرسي علي زوادة اليوم
ربنا يفرح قلبك

[بشرى النهيسى]

شكرا
للزواده الجميله والرائعه
ربنا يفرح قلبك

[Mary Naeem]

آمين يا رب