لكل يوم زوّادة : يا رب رتبلنا حياتنا : 29 / 12 / 2021 /

[souad jaalouk]

لكل يوم زوّادة : يا رب رتبلنا حياتنا

مين منا مش سامع بقصة يوسف الصِّديق ابن بعقوب بالعهد القديم اللي كبّوه اخواتو بالبير و باعوه لأنّو بيّهن حبّو كتير و اشتروه ناس رايحين عا مصر و قالو ليعقوب انو مات و فرجوه قميصتو كلّها دم.
بمصر فات عالحبس بتهمة زور و بعدين قدر يفسّر احلام فرعون و يكسَب وظيفة خلّت رتبتو التاني بعد فرعون اللّي وكلّو يِجمع و يخزّن اكل لسنين المجاعة. بعدين رجعِت الظّروف جمَعِتو بإِخواتُو وهوّي عِرِفن و هنّي لأ و قرّر يختِبِرُن تا يشوف اذا بعدو الشّر بقلوبُن. بس غلبِتُو عاطِفتو بالآخر خصوصًا بس عرف انو بيّو بعدو عايش و قلن لإخواتو انو هوي يوسف و كمّل: "لا تلوموا انفسكم لانكم بعتموني الى هنا.‏ فالله بالحقيقة هو الذي ارسلني الى مصر لانقاذ حياة الناس.‏ وقد جعلني فرعون حاكم البلاد كلها.‏ فالآن عودوا بسرعة الى ابي وأخبروه بذلك.‏ وقولوا له ان يأتي ويسكن هنا.‏" بعد كل هالقصة فينا نقول شغلة وحدة بس: يا رب متل ما رتّبت حياة يوسف، رتّبلنا حياتنا...آمين

[Mary Naeem]

آمين يا رب

[souad jaalouk]

شكرااا كثيرااا أختي الغالية على المرور الغالي

[بشرى النهيسى]

مشاركة جميلة جدا
ربنا يبارك حياتك