لكل يوم زوّادة: ليلة عيد : 26 / 12 / 2021 /

[souad jaalouk]

لكل يوم زوّادة: ليلة عيد

ليلة عيد ليلة عيد الليلة ليلة عيد!! يا رب منطلب منّك كل يوم تبعتلنا نجمة تدلنا عا طريقك تا ما نضيع ابدا. منطلب منّك كل يوم تبعتلنا ملايكة يضلّو يبشرونا تا ما نلتهي بشي و نضلّ متذكرين انّك انت الأساس. منطلب منّك كل يوم يكون بيتنا مغارة قد ما كان برد برا تكون هيّي دافية و قد ما كان هالبيت متواضع يكون الفرح مغلغل بين حجار حيطانو و كل يوم عيالنا تكون مجموعة متل عيلتك. بإختصار عم نطلب مِنّك يا رب كل يوم يكون عيد، عيد ميلادك بحياتنا و قلوبنا! منصلّي كمان عا نيّة كل شخص الليلة مش معيّد مع عيلتو لأنّو عندو شغل تا ربنا يرافقو و يباركو عاطول. و ما مننسى اكيد نذكر كل اللي معيدين معك يا ربّ...نيّالكن عيدكن عيدين مع صاحب العيد! و مع سكّان الأرض منصلّي و منقول انشالله مع ولادة يسوع الليلة بيشفى كل مريض، بيتواسى كل حزين، بيشبع كل جوعان، بيكتفي كل فقير، بيدفى كل بردان و بيجتمعو المفترقين...آمين!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب

[بشرى النهيسى]

امييين
ربنا يفرح قلبك