دفتر الحساب

[walaa farouk]

عمر ما ربنا بيفتح لحد دفتر حسابات
، لأن قلبه الرحيم يغفر لكل تائب من اكبر الي اصغر خطية..

اللي ماسك حساباتك هو ضميرك ، و اللي بيكتب عليه هو أعمالك..
يعني انت اللي بتعمل لنفسك بنفسك كشف حسابك ..

كل اللي بتعمله للناس بيتسجل عندك ، و بايدك،
ان كان شر و حقد و غل و كره ،
و ان كان حب و خير و تسامح و عطاء و خدمة ..

و الدفتر ده مكتوب عليه عنوان اسمه "الزرع و الحصاد" ..
و الايام تلف ، و زرعتك تكبر، الوحشة او الحلوة ..
و لان "الحساب يجمع" ، الفوايد برضه بتجمع !!

تلاقي جزاء الشر اللي حد عمله تتأخر ،
و مكتوب جنبها في الهامش "يؤجل الحساب لعله يتوب" ..
مش كده و بس ، ده بيتكتب جنبه حد أقصي لوقت التوبة ،
و الميعاد ده ما حدش عارفه و لا شايفه ..
و لو ما تابش لغاية الميعاد ده ، يصدر حكم الحق
، و يدفع تمن شره و بالفوايد ، و اللي عمله يتعمل فيه
، و ما أعدل حكم الله ..

برضه الخير اللي بيعمله حد من تسامح و حسن الطبع و الاخلاق، يتجمع ، و برضه يتأخر ، و مكتوب جنبه "يؤجل لكي يتضاعف أجره اذا صبر و شكر و رضي" ..

و تلف الايام ، و يمتحن صبرك علي تأخير جزاء الله لك
، و تلاقي البركات و الخيرات و التعويضات نزلت زي السيل شايلالك القديم و الجديد ، ترطب قلبك و تجبر خاطرك و تعوضك عن صبرك و رضاك..

ما أجمل و ما اعدل دفاتر الحسابات ، و ما اصدق قوانين العدل الإلهي ..

[بنت معلم الاجيال]

ما أجمل و ما اعدل دفاتر الحسابات ، و ما اصدق قوانين العدل الإلهي ..


موضوع حلو اوي اوي
ربنا يعوض تعبك

[بشرى النهيسى]

اللي ماسك حساباتك هو ضميرك

روعه الرب يفرح قلبك

[walaa farouk]

ميرسى على مروركم الغالى