الخدمة في فكر الأباء

[walaa farouk]

الخادم لو مش فاهم ومش عارف ( يجمح الشعب) يضيع ولاده كلهم..
لكن خادم فاهم التعليم المظبوط..عارف ايه الكتب اللي الكنيسة قالت عليها دي كتب غلط.. خلاص متقرهاش !!
ليه؟ مش بنحجر ع فكرك بس لما تكمل فكرك وتكمل إيمانك وتقدر تميز الغلط فين هنا يبقي تقراه..
الخادم الشاطر لما يسمع حاجة غريبه قولك الكلام ده مش بتاعنا.
عرفت منين؟؟
سامع من البابا شنوده.. متعلم ومتأسس..
سامع في العقيدة ، سامع في الاسرار ، وسامع في الطقس وسامع في الروحيات..
متلمذ علي ايد انبا متاؤس ، وانبا بنيامين ، وانبا بيشوي ،
عاااارف الكنيسة ماشية اذاي..
فلو سمع حاجة غريبه عن التعليم ده يقولك الكلام ده مش من كلامنا هو إحنا بنقول كدة؟ برافوا عليك..
. لقطها اذاي ؟ عشان واقف في الحته اللي الكنيسة واقفه فيها فشايف زاي ما الكنيسة شايفه...
مش كل ما تطلع حاجة جديدة عايز تمشي ورها ؟ هما دول بقي الاطفال المضطربين المحمولين بكل ريح تعليم..
لكن اللي عنده رؤية مش كدة.
زي مثلاً
أب وابنه الأب طويل وماسك ابنه في ايده الأب ماشي ورايح بأبنه مشوار..
الولد الصغير عينه علي مأكولات الاطفال اللي في المحلات.
. وعمال يوقف ابوه علي كل محل ويقوله عايز من ده وعايز من ده..... وابوه يعمل ايه؟
يسحبوا وراه ويخليه يمشي في سكته.. إحنا رايحين مشوار مابيقفش في الطريق
لانه هو اللي بيقود ابنه للمراعي الخضراء.
فلما تلاقي حد بيحتج علي القداس يبقي لازم تفهوا ايه هو القداس..
طب هتفهموا اذاي اذ كنت أنت مش فاهم ؟؟
هتحببهم اذاي في القداس اذ كنت انت مبتحبوش ؟؟
هقوله احفظ الحان اذاي وانت مش حافظ؟؟
اشجعه علي القبطي.. اذاي وانت مش طايق القبطي؟؟
فلازم اقف في الحته في واقفه فيها الكنيسة عشان اقدر اوصل المخدومين
لاثار الكنيسة عشان يلاقوا المسيح اللي الكنيسة وصلتله.
(من محاضرة عن الرؤية)

نيافة الحبر الجليل الانبا زوسيما.